7-ամյա Արա Մայիլյանը՝ Մոնթե Ավո հիմնադրամի մրցույթի դափնեկիր
- 10:13 05.09.2024
«Մոնթե Ավո» բարեգործական հիմնադրամը ստեղծվել է 2015 թվականին՝ ծնունդով Արցախի Մարտունու շրջանի Ճարտար գյուղից, բարերար, այժմ Ռուսաստանում բնակվող Աշոտ Ջիվանյանի կողմից։ Հիմնադրամն առաջին օրվանից իրականացնում է տարբեր ծրագրեր՝ ուղղված Արցախին և արցախցիներին:
Բարեգործական ծրագրերի շրջանակում 2023 թվականից անցկացվում է «Ընթերցող Արցախ» մրցույթը, որին մասնակցում են երեխաներ Արցախի տարբեր շրջաններից։
Արա Մայիլյանն ամենաակտիվ մասնակիցներից է։ Նա վերջերս դարձավ 7 տարեկան։ Ծնվել է Ճարտար գյուղում, զինվորականի ընտանիքում։ Այսքան վաղ տարիքում տեսնել և զգալ է երկու պատերազմների բոլոր սարսափները և շրջափակման դժվարությունները:
Գրքերի հանդեպ սերն իրեն դրսևորել է դեռ վաղ մանկությունից։ Այժմ, որպես 2-րդ դասարանի աշակերտ, նա արդեն գիտի հայտնի գրողների տասնյակ ստեղծագործություններ։
Օրերս Արան մրցույթում գրավեց 1-ին տեղը։ Նրա ամենասիրած ստեղծագործություններից է Աննա Մեկունցի «Տոնս, Տեղս, Աշխարհս» պոեմը՝ գրված արցախյան բարբառով։ Այս ստեղծագործությունը Արցախ աշխարհի մարմնավորումն է։ Այն տեղափոխում է արցախցիներին հարազատ միջավայր։
Այժմ Արան տխրությամբ է կարդում է բանաստեղծությունը՝ հիշելով իր տունը, ընկերներին, ուսուցիչներին ու դասընկերներին։ Նա անկեղծորեն հավատում է, որ շատ շուտով կկարողանա վերադառնալ հայրենի հայկական Արցախ։
Արսեն Աղաջանյան
