Ողբերգություն սովորական տարեգրության հետևում՝ վրաերթի հետևանքով արցախցի կին է մահացել
- 17:46 05.09.2024
«ԿամԱԶ»-ը Արարատի մարզի Սիս գյուղում վրաերթի է ենթարկել 34-ամյա հետիոտնին, որը տեղում մահացել է։ Տեղեկությունը հայտնում է shamshyan.com–ը։
Միջադեպի մասին ահազանգը ստացվել է սեպտեմբերի 5-ին, ժամը 11:35-ի սահմաններում։
«Երևանի բնակիչ 51-ամյա Ռուդիկ Խ.-ն իր վարած «ԿամԱԶ» մակնիշի բեռնատարով Սիս գյուղի Սայաթ-Նովա փողոցում վրաերթի է ենթարկել հետիոտն՝ Արարատի մարզի բնակիչ 34-ամյա Լյուդմիլա Բ.-ին։ Վարորդը փախուստի չի դիմել, սակայն դեպքի վայր ժամանած «Մասիս» ԲԿ–ի շտապօգնության բժիշկները արձանագրել են վրաերթի ենթարկվածի մահը»,– գրում է կայքը։
Վրաերթի ենթարկվածը 2023 թվականին Արցախից էր տեղահանվել, ամուսինը զոհված էր, խնամքին ուներ 2 անչափահաս երեխա։