Գորիսում և Վայքում VIVA-ի կետերից օգտվել են ավելի քան 70 հազար արցախցիներ
- 12:04 09.09.2024
VIVA հիմնադրամը ստեղծվել է 2016 թվականի ապրիլի 7-ին։ Առաջին իրական օգնությունը ցուցաբերվել է հիմնադրման 4-րդ օրը։ Դրանք բժշկական պարագաներ և շտապօգնության մեքենա էին, որոնք ուղարկվել են Արցախ։
2023թ. պատերազմից հետո VIVA հիմնադրամը դիմավորել է Արցախում իրենց տները լքելու հարկադրված տեղահանվածներին։ Բժիշկները, բուժքույրերը, կամավորները աջակցում էին, օգնում, ապահովում անհրաժեշտ իրերով։ Գորիսում և Վայքում հիմնադրամի կետերից օգտվել են ավելի քան 70 հազար արցախցիներ։
Հիմնադրամը նաև եռօրյա այց է կազմակերպել Տավուշի Արծվաբերդ և Այգեձոր գյուղերում՝ տեղահանվածներին և տեղացիներին աջակցության նպատակով։ Միևնույն ժամանակ, հիմնադրամը իրականացնում է բժշկական զննումներ և այցելություններ։
Յուրաքանչյուրը կարող է միանալ օգնությանը։ Ի՞նչ կարելի է անել.
- Ֆինանսապես աջակցել: Նույնիսկ փոքր գումարը կարող է մեծ նշանակություն ունենալ։ Հիմնադրամի կայքում հասանելի են բոլոր անհրաժեշտ տվյալները։
- Դառնալ կամավոր: Անհրաժեշտ են մարդիկ՝ օգնության բաշխման, միջոցառումների կազմակերպման և տեղահանվածներին աջակցելու համար։
- Տարածել տեղեկատվությունը: Որքան շատ մարդիկ իմանան, այնքան ավելի շատ օգնություն կարող է ցուցաբերվել։ Կիսվեք այս տեղեկությամբ ձեր ընկերների, գործընկերների հետ և սոցիալական ցանցերում։
Տաթև Ազիզյան
