Փեյջերները, պարզվում է, հունգարական էին․ “պիկանտ” տեռակտներին ծափահարողները

«Նախօրեին Լիբանանի տարածքում պայթեցված փեյջերները հունգարական արտադրության էին», – տեղեկացնում է Reuters գործակալությունը՝ վկայակոչելով սարքերի արտադրությամբ զբաղվող թայվանյան Gold Apollo ընկերության ներկայացուցիչներին։

Ընկերության փոխանցմամբ՝ փեյջերների այն խմբաքանակը, որ օգտագործում էին Լիբանանում գործող իրանամետ «Հեզբոլլա» շարժման անդամները, արտադրվել է Բուդապեշտում գործող BAC Consulting ընկերության կողմից՝ Gold Apollo-ի կողմից տրամադրված լիցենզիոն արտոնագրի հիման վրա։

Սեպտեմբերի 17-ին Լիբանանում փեյջերների միաժամանակյա պայթյունների հետևանքով, ըստ վերջին տվյալների, 11 մարդ զոհվել է, ևս 3 հազարը տարբեր աստիճանի վնասվածքներ է ստացել։ Al-Hadath հեռուստաալիքի տվյալներով՝ պայթյունների պատճառով Հեզբոլլահի մոտ 500 անդամներ կորցրել են տեսողությունը։ Լիբանանում Իրանի դեսպանը նույնպես կորցրել է աչքը։

Լիբանանի իշխանությունների ներկայացուցիչները Reuters-ին փոխանցել են, որ իրենց համոզմամբ՝ փեյջերներում պայթուցիկ սարքերը տեղադրվել են իսրայելական հատուկ ծառայությունների կողմից։

Մարդկանց գազանացումը անցնում է բոլոր սահմանները։ Արյունալի պատերազմների, տեղահանությունների, երեխաներին սովամահ անելու գործողություններին գումարվում են “պիկանտ” տեռակտներ, որոնց ծափահարում են իրենց հումանիստ անվանող մարդիկ։ 

Անմիջապես Լիբանանում տեղի ունեցածից հետո անտիպուտինիստ եւ Ուկրաինայի պաշտպան, բժիշկ Նեվզորովը այնպիսի հրճվանքով էր ներկայացնում տեռակտի “պիկանտությունը”, կարծես խոսքը պոռնոյի մասին է․ փեյջերները տղամարկանց գրպաններում էին, մեծամասամբ վնասել են սեռական օրգանները, եւ Նեվզորովի խոսքերով, կանայք հավաքվել են այդ օրգանների կույտի մոտ եւ “найди мужа” են խաղում։ 

Մարդը կարող է անվերջ դեգրադացվել։