“Վերջին արցախցիներ” ֆիլմի առաջին ցուցադրումը

“Վերջին արցախցիներ” ֆիլմը առաջին անգամ ցուցադրվեց “Լոֆթ” ակումբում։

Ֆիլմը Արցախում ծնված վերջին երեխաների մասին է, իսկ ֆիլմի հերոսուհիները՝ 4 մայրեր են, ովքեր պատմում են հաղթահարված դժվարությունների մասին։

Ֆիլմի հեղինակ Մարիամ Սարգսյանը պատմել է, որ վաղուց էր որոշել այդպիսի մի ֆիլմ նկարահանել, և իրականացրեց իր ցանկությունը Մեդիա-նախաձեռնությունների կենտրոնի օգնությամբ։

“Սկզբում որոշել էի ռեպորտաժներ պատրաստել, բայց ընթացքում հասկացա, որ երկարում է և նմանվում ֆիլմի, որոշեցի, որ ֆիլմ պետք է պատրաստեմ”,- ասում է Մարիամը։

Միտքը ձագեց, երբ Մարիամը իր երեխային գրկած սեպտեմբերի 19-ին Մարտունի քաղաքում վազում էր ապաստարան, ու այդ պահին մտածել, թե ի՞նչ են անում այն երիտասարդ կանայք, ովքեր 9 ամսվա հղի են, և կլոր փորերով վազում են ապաստարան։

“Ապաստարանում լսեցի լուրը, որ Մարտունիում երեխա է ծնվել, և որոշեցի՝ երբ ամեն ինչ ավարտվի, պետք է հանդիպեմ Մարինեին, ով ռմբակոծության տակ երեխա է ունեցել, և պատմեմ նրա մասին”,- ասում է Մարիամը։

Հայկ Հարությունյան