Բացառիկ համագործակցություն ՀՀ Օպերայի եւ բալետի ազգային ակադեմիական թատրոնի և Միլանի Լա Սկալա թատրոնի ակադեմիայի միջև
- 14:36 23.09.2024
Ալ. Սպենդիարյանի անվան օպերայի եւ բալետի ազգային ակադեմիական թատրոնը եւ Լա Սկալա թատրոնի Կատարողական արվեստների եւ արհեստների ակադեմիան այսօր՝ սեպտեմբերի 23-ին, ստորագրել են համագործակցության հուշագիր, որը նպատակ ունի նպաստել երկու հաստատություններում կատարողական արվեստի զարգացմանը, ինչպես նաեւ սահմանել թատրոնների միջեւ համագործակցության ուղղությունները, այդ թվում՝ փորձի փոխանակման, կրթական եւ տեխնիկական վերապատրաստումների ոլորտներում։
Հուշագիրը ստորագրել են Ալ. Սպենդիարյանի անվան օպերայի եւ բալետի ազգային ակադեմիական թատրոնի տնօրեն Կարեն Դուրգարյանը եւ Լա Սկալա թատրոնի Կատարողական արվեստների եւ արհեստների ակադեմիայի գործադիր տնօրեն Լուիզա Վինչին։