Արցախի թեմի երիտասարդաց միությունը կազմակերպել է «Մարդու ներքին պայքարները» թեմայով քննարկում

Հոկտեմբերի 25-ին, Երևանի Բաղրամյան 59գ հասցեում, Արցախի թեմի երիտասարդաց միությունը նախաձեռնել է քննարկում «Մարդու ներքին պայքարները» խորագրով։

Միջոցառման բանախոսը՝ Դավիթ ուրարակիր Փաշայանը, խոսել է մարդու ներքին խնդիրների, անձնական և հոգևոր պայքարների, ինչպես նաև դրանց հաղթահարման հնարավոր ուղիների մասին։

Նմանօրինակ քննարկումները նպատակ ունեն երիտասարդների մոտ բարձրացնել գիտակցության մակարդակը՝ ներքին պայքարի հաղթահարման կարևորության շուրջ և աջակցել նրանց անձնական զարգացման ճանապարհին։

Թեման հատկապես արդիական է այսօր, երբ երիտասարդությունը հաճախ բախվում է ինքնության և արժեքների որոնման հարցերին։

«Մարդու ներքին պայքարները» խորագիրը խոստանում է օգտակար լինել յուրաքանչյուրին, ով ցանկանում է ճանաչել ու հասկանալ սեփական ներքին խնդիրներն ու դրանք հաղթահարելու ճանապարհները։ << Ոչ թե անում եմ այն, ինչ ուզում եմ, այլ անում եմ այն, ինչ ատում եմ >>: (Պողոս առաքյալի հռոմեացիներին ուղղված նամակ 7:15)

Նմանօրինակ հանդիպումները կրելու են շարունակական բնույթ։

Տաթև Ազիզյան