Պուտինը Գուտերեշին հիշեցրեց ՄԱԿ-ի կանոնադրությունն ու ինքնորոշման իրավունքը՝ մոռանալով հիշատակել Արցախը
- 16:07 27.10.2024
Նախագահ Վլադիմիր Պուտինը հիշեցրել է ՄԱԿ-ի գլխավոր քարտուղար Անտոնիո Գուտերեշին, որ Կազմակերպության կանոնադրության մեջ նախ նշվում են ազգերի ինքնորոշման իրավունքը և մարդու իրավունքները հարգելու անհրաժեշությունը, РИА Новости-ին հայտնել է ՌԴ ԱԳՆ-ի աղբյուրը։
«Ուկրաինական հակամարտությունում միջազգային իրավունքի կիրառման հարցը քննարկելիս Գուտերեշը պաշտպանել է իր տեսակետը, հիմնվելով ՄԱԿ-ի իրավաբանների վրա, տարածքային ամբողջականության սկզբունքի առաջնահերթության վերաբերյալ։ Ի պատասխան՝ Վլադիմիր Պուտինը հիշեցրել է, որ ՄԱԿ-ի կանոնադրությունը նախ նշում է ազգերի ինքնորոշման իրավունքը, ինչպես նաև մատնանշում է մարդու իրավունքները հարգելու անհրաժեշտությունը՝ անկախ ռասայից, սեռից, լեզվից և կրոնից»,- ասաց նա։
Պուտինը, խոսելով ինքնորոշման իրավունքի մասին, մոռացել է Արցախի մասին. միակ հակամարտությունը հետխորհրդային տարածքում, որտեղ ՄԱԿ-ը և ԵԱՀԿ Մինսկի խումբը որպես կարգավորման սկզբունքներից մեկը նշել են ինքնորոշման իրավունքը, Ղարաբաղյան հակամարտությունն է։ Մնացած բոլոր հակամարտությունների համար՝ Աբխազիայում, Հարավային Օսիայում, Մերձդնեստրում, Ղրիմում և Դոնբասում, խոսվում է բացառապես տարածքային ամբողջականության մասին։