Պատմության լուռ վկաները․ գիտաժողով Արցախի պատմամշակութային ժառանգության մասին

Նոյեմբերի 5-6-ը, Երևանի Ավետիք Իսահակյանի տուն թանգարանում կկայանա «Պատմության լուռ վկաները» խորագրով գիտաժողով, նվիրված Արցախի պատմամշակութային ժառանգությանը։ Այն նախաձեռնել են Հայաստանում գործող «Հիշատակարան» հասարակական կազմակերպությունն ու Փարիզի Արևելյան լեզուների և քաղաքակրթությունների պետական ինստիտուտը (Inalco)։ Գիտաժողովի թեման շատ ընդգրկուն է, այն ներառում է Արցախի մշակույթի գրեթե բոլոր ոլորտները, պատմամշակութային հուշարձաններ, վիմագրեր, ձեռագրեր, արծաթագործություն, բանավոր խոսք և իհարկե մշակութային ժառանգությանը սպառնացող մարտահրավերներ։ Գիտաժողովի շրջանակներում նախատեսվում է նաև Արցախի պատմամշակութային հուշարձանների՝ Սասուն Դանիելյանի և Գայանե Բուդաղյանի հեղինակային  լուսանկարների ցուցահանդես։

Փարիզի Արևելյան լեզուների և քաղաքակրթությունների պետական ինստիտուտի դոցենտ, արվեստաբան Աննա Լեյլոյան-Եկմալյանը, ով  հանդիսանում է «Հիշատակարան» հասարակական կազմակերպության հիմնադիրն ու գիտաաժողովի կազմակերպիչը, նշել է, որ գիտաժողովի նպատակը Արցախի ժառանգության հանդեպ հետաքրքրությունը պահելը և համատեղ մարտահրավերները դիմագրավելն է։ Եվ այն ինչ արվում է այսօր՝ Արցախի պատմամշակութային ժառանգության վավերագրում  https://hishatakaran.org/ կայքում, դա ուղղված է վտանգված հուշարձանային ժառանգության պահպանությանը և արվում է վաղվա օրվա համար, այս փոփոխական աշխարհում։

Ցանկացողները գիտաժողովին կարող են  մասնակցել նախապես գրանցվելով այս հղումով https://inalco.kosmopolead.com/community/inalco/custom_forms/147?fbclid=IwY2xjawGRdmlleHRuA2FlbQIxMAABHT5Rr9ghTqVFxZUkAaLXXt4QfyL2oQvBh9KXNPyrHR43duNRdk-ZNC4olQ_aem_y4JBFnt3KoypZJeNHtANHQ ։

Հիշեցնենք, որ նախաձեռնող խումբը անցյալ տարի գիտաժողով էր կազմակերպել Փարիզում՝ Արևելյան լեզուների և քաղաքակրթությունների պետական ինստիտուտում (Inalco), որը նվիրված էր Շուշիի պատմամշակութային ժառանգությանը։