Նախարար. Արցախցիերը կշարունակեն բուժօգնություն ստանալ կառավարության պետպատվերով
- 20:59 01.11.2024
Լեռնային Ղարաբաղի հարկադիր տեղահանված բնակիչները կշարունակեն ստանալ պետպատվերով նախատեսված բժշկական օգնության ողջ փաթեթը։ Այս մասին ԱԺ ֆինանսավարկային և բյուջետային հարցերի հանձնաժողովում 2025 թվականի պետական բյուջեի նախագծի քննարկման ժամանակ ասաց առողջապահության նախարար Անահիտ Ավանեսյանը։
«Հաջորդ տարի ոչինչ չի փոխվի, արցախցիները կմնան պետական գնումների բոլոր ծրագրերի շահառուները», – հավելեց նա:
Հիշեցնենք, որ Ղարաբաղի բռնի տեղահանված բնակիչների համար գործում է բժշկական օգնության, բուժման, այդ թվում՝ ստացիոնար բուժման, ապարատային ախտորոշման պետպատվեր։