Ոչ մի բառ Արցախի մասին. վերջին լուրը՝ 2020-ի օգոստոսի 29-ին
- 14:47 23.11.2024
Երեկ Նիկոլ Փաշինյանը հարցազրույց է տվել ու ոչ մի նոր բան չի ասել։ Նա միայն հաստատել է, որ 2023-ին «ստացել է իրեն տանջող հարցերի բոլոր պատասխանները», եւ ոչ մի բառ չի ասել Արցախի մասին։ Նա օգտագործել է «միանձնյա» եւ «կացին» բառերը, ազդարարելով «թավշյա հեղափոխության» վերջը եւ իր կերպապափոխումը “թռաշված դիկտատորի”։
ՀՀ վարչապետի պաշտոնական կայքում դեռ կա «Լեռնային Ղարաբաղ» բաժին, եւ վերջին լուրը՝ 2020 թ․ օգոստոսի 29-ից է։ Դրանից հետո բաժինը չի նորացվել։ 2020-ի օգոստոսի 29-ին կայացել է Փաշինյանի վերջին այցը Ստեփանակերտ։
Նախավերջին լուրը 2020-ի մայիսից է՝ Արայիկ Հարությունյանի երդումնակալությունից եւ վերնագրված է «Թավշյա հեղափոխությունը անխուսափելի պիտի բերի Արցախի ինքնորոշման ճանաչմանը»։
Երեկ Փաշինյանը չի խոսել ներկայիս եւ այն ժամանակվա Փաշինյանի կապի մասին։ Նրան թվում է, որ եթե նա չխոսի Արցախի մասին, բոլորն այն կմոռանան եւ հարցեր չեն տա․ որտե՞ղ է Արցախը, որտե՞ղ է Արայիկ Հարությունյանը։ Թե՞ 2020-ի օգոստոսին նա արդեն գիտեր, ինչ է լինելու։ Եւ այսօրվա Փաշինյանը չի տարբերվում 2020-ի Փաշինյանից։
