ԵԱՀԿ գլխավոր քարտուղար դարձավ Թուրքիայի նախկին արտգործնախարարը
- 11:23 07.12.2024
Եվրոպայի անվտանգության և համագործակցության կազմակերպության (ԵԱՀԿ) նոր գլխավոր քարտուղար է դարձել Թուրքիայի ԱԳՆ նախկին ղեկավար, ՄԱԿ-ում Թուրքիայի նախկին մշտական ներկայացուցիչ Ֆերիդուն Սինիրլիօղլուն։ Դրա մասին դեկտեմբերի 6-ին հայտարարել է կազմակերպության գործող նախագահ, Մալթայի արտգործնախարար Յան Բորգը։
Թուրքիան ամեն կերպ իր ներկայացուցիչներին “բրդում” է միջազգային կառույցների ղեկավարների պաշտոններին, եւ նրանք բացահայտ թուրքամետ քաղաքականություն են վարում, առանց ամաչելու եւ չվախենալով “հետադեմ” լինելու մեղադրանքներից։
Եթե նկատի առնենք, որ Արցախյան հիմնախնդրի լուծման միակ լեգիտիմ մանդատն ունի ԵԱՀԿ Մինսկի խումբը, կարելի է ենթադրել, որ Սինիրօղլուի առաջին “դեկրետը” կլինի Միինսկի խմբի մանդատի չեղարկումը։ Այդ մանդատը մինչ օրս տարածաշրջանի ռուս-թուրքական նոր բաժանման գլխավոր խոչընդոտներից է։
Նման ընթացքը ապացուցում է այն, որ Մալթայում կայացած ԵԱՀԿ արտգործնախարարների նիստի իր ելույթում Հայաստանի արտգործնախարար Արարատ Միրզոյանը մեկ անգամ նույնիսկ չհիշատակեց Մինսկի խումբը։
Հայաստանի կառավարությունը ի տարբերություն այլոց չի վարում ազգային քաղաքականություն, ցանկացած նման դրսեվորում անվանելով “հետադեմ ազգայնականություն” եւ “սպառնալիք պետական անվտանգությանը”։
Թեկուզ “թուրք” ազգ որպես այդպիսին գոյություն չունի, Թուրքիան քայլ առ քայլ կերտում է այն, իսկ պաշտոնական Երեւանը քայլ առ քայլ ոչնչացնում է հազարամյակներ գոյություն ունեցող հայ ագը։