Դրոնների հարձակման է ենթարկվել Կազանը
- 21:56 22.12.2024
Կազանի քաղաքապետարանը հայտնում է, որ այսօր առավոտյան անօդաչու թռչող սարքերի հարձակման հետևանքով հրդեհ է բռնկվել Սովետսկի, Կիրովսկի և Պրիվոլժսկի շրջանների տներում։
«Ազատություն» ռադիոկայանի թաթար-բաշկիրական ծառայությունը հաղորդում է, որ Թաթարստանի իշխանությունները հայտնել են, որ դեկտեմբերի 21-ի առավոտյան ութ անօդաչու թռչող սարք է հարձակվել Կազանի վրա, որոնցից առնվազն հինգը հարվածել են բնակելի շենքերին:
«Կազանի քաղաքապետ Իլսուր Մետշինը հանձնարարել է տեղավորել տարհանված բնակիչներին և ապահովել նրանց տաք հագուստով և սնունդով», – ասվում է քաղաքապետարանի հաղորդագրությունում։
Թաթարստանի նախագահի մամուլի ծառայությունը քաղաքացիներին հայտնում է հանգստություն պահպանել և տագնապի ազդանշանի դեպքում իջնել շենքերի նկուղներ կամ ստորին հարկեր, հայտնում է Realnoe Vremya-ն։
«Ազատություն» ռադիոկայանի թաթար-բաշկիրական ծառայությունը հաղորդում է, դպրոցներից տարհանվել են աշակերտները, իսկ քաղաքում հնչում են ազդանշաններ:
Զոհեր չկա։
Հակառակորդը կզղջա Կազանի վրա դրոնների հարձակման համար. Այս մասին հայտարարել է ՌԴ նախագահ Վլադիմիր Պուտինը։
«Ով և որքան էլ փորձի ինչ-որ բան քանդել մեր երկրում, դրա համար իր երկրում բազմապատիկ ավելի մեծ ավերածությունների կենթարկվի, ինչպես նաև կզղջա այն ամենի համար, ինչ փորձում է անել մեր երկրում»,- ասել է ՌԴ նախագահը։