Էրդողանը խոստացել է «թաղել» քրդական ուժերին Սիրիայում
- 19:47 25.12.2024
Թուրքիայի նախագահ Ռեջեփ Թայիփ Էրդողանը չորեքշաբթի օրը հայտարարել է, որ Սիրիայում քուրդ զինյալները կա՛մ վայր կդնեն զենքերը, կա՛մ «կթաղվեն», հայտնում է Reuters-ը։
«Անջատողական մարդասպանները կա՛մ հրաժեշտ կտան իրենց զենքին, կա՛մ կթաղվեն սիրիական հողում իրենց զենքերի հետ միասին»,- ասել է Էրդողանը խորհրդարանում իր իշխող «Արդարություն և զարգացում» կուսակցության պատգամավորներին:
«Մենք կոչնչացնենք ահաբեկչական կազմակերպությանը, որը փորձում է արյան պատ կառուցել մեր և մեր քուրդ եղբայրների միջև»,- հավելել է նա։