Թուրքե՞րը, թե՞ ադրբեջանցիները պետք է դուրս գան Ջերմուկից
- 21:00 22.01.2025
ԱԺ-կառավարություն հարց ու պատասխանի ժամանակ «Հայաստան» խմբակցության պատգամավոր Արթուր Խաչատրյանը հարցրեց արտգործնախարար Արարատ Միրզայանին՝ ինչո՞ւ այսպես կոչված «սահմանազատման» գործընթացը չեն սկսում, օրինակ, Ջերմուկից կամ Շուռնուխից։
«Ասում եք՝ սահմանազատման արդյունքում թուրքերը Ջերմուկից կգնան։ Ջերմուկը հարավին ավելի մոտ է, քան հյուսիսին, հարավից սկսեիք, թուրքերին ճամփա դնեիք տուն»,- ասաց Արթուր Խաչատրյանը։
«Որ ասում եք՝ Շուռնուխից ու Ջերմուկից թուրքերին քշեք, թուրքերը Հայաստանի Հանրապետության էն մյուս կողմում են՝ արեւմտյան մասում են։ Եթե նկատի ունեք ադրբեջանցիներին, մենք կրկին ասում ենք, որ ունենք օկուպացիայի տակ գտնվող տարածքներ՝ 200 քկմ-ից ավելի, որոնք պետք է ներկայացնենք սահմանազատման գործընթացի ժամանակ։ Սկսել հյուսիսից, թե հարավից․․․ Ինձ մնար, Հայաստանի սահմանազատումը կսկսեի Խաղաղ օվկիանոսից, կավարտեի Ատլանտյան օվկիանոսով, բայց հաշվի առեք, որ մոլորակի վրա բացի մեզնից կան 200 այլ պետություններ»,- ի պատասխան ասաց Արարատ Միրզոյանը։