ԱՄՆ-ը մեծ մաքսատուրքեր է սահմանել Կանադայից, Մեքսիկայից, Չինաստանից ապրանքների վրա
- 12:08 01.02.2025
DW
Փետրվարի 1-ից ԱՄՆ-ը Կանադայից և Մեքսիկայից ապրանքների վրա մաքսատուրքեր կսահմանի 25%-ի չափով, իսկ Չինաստանից՝ 10%-ի չափով։ Այս մասին ուրբաթ օրը՝ հունվարի 31-ին, հայտարարել է Սպիտակ տան մամուլի քարտուղար Քերոլայն Լևիթը։ «Նախագահը (Դոնալդ Թրամփը – Խմբ.) խոստացել է դա անել, և նա կատարում է իր խոստումը»,- Լևիտի խոսքերն է մեջբերում AP-ն։
Թրամփը նախկինում հիմնավորել է հարևան երկրների դեմ առևտրային մաքսատուրքերի անհրաժեշտությունը՝ ասելով, որ Մեքսիկան պետք է դադարեցնի այդ երկրից ԱՄՆ եկող անօրինական միգրանտների հոսքը, իսկ Կանադան պետք է դադարեցնի թմրանյութերի, մասնավորապես՝ ֆենտանիլի շրջանառությունը։