Ուկրաինայում հետախուզման մեջ գտնվող Արմեն Սարգսյանի նկատմամբ Մոսկվայում մահափորձ է կատարվել
- 13:07 03.02.2025
Մոսկվայի «Ալ առագաստներ» բնակելի համալիրում տեղի ունեցած պայթյունը կարող է կապված լինել ԴԺՀ Բռնցքամարտի ֆեդերացիայի ղեկավար և «Արբատ» գումարտակի հիմնադիր Արմեն Սարգսյանի դեմ մահափորձի հետ։ Այս մասին գրում է «Mash»–ը։
Ըստ լրատվամիջոցի` տղամարդը լուրջ վնասվածքներ է ստացել, նրան տեղափոխել են վերակենդանացման բաժանմունք։
Պայթյունը տեղի է ունեցել այն պահին, երբ նա անվտանգության աշխատակիցների ուղեկցությամբ անցնելիս է եղել նախասրահով։
Պաշտոնական տվյալներով՝ պայթյունի հետևանքով մահացածի ինքնությունը դեռ չի հաջողվել պարզել, քանի որ նրա դեմքը խիստ վնասված է։ Ենթադրություններ կան, որ մահացածը Արմեն Սարգսյանի թիկնապահն է։
Քաղաքագետ Դմիտրի Նիկոտինը Telegram-ալիքում գրել է, որ տուժածների թվում է Օլեգ Կասպիրովիչը, որը նախկինում եղել է ՌԴ ՆԳՆ ներքին զորքերի Ղրիմի տարածքային հրամանատարության վարչության հատուկ նշանակության առանձին ջոկատի հրամանատարի տեղակալը:
46-ամյա Արմեն Սարգսյանը հայտնի է նաև որպես Արմեն Գորլովսկի, Գորլովկայում (ԴԺՀ) զբաղվել է մարտիկների պատրաստմամբ:
Ավելի վաղ Ուկրաինայում Սարգսյանին մեղադրանքներ էին ներկայացվել Ուկրաինայի զինված ուժերի դեմ մարտական գործողություններ վարող ապօրինի զինված կազմավորումներին մասնակցելու համար: Նա հետախուզման մեջ է Ուկրաինայում, նախկինում Ուկրաինայի քաղաքացիություն է ունեցել։
Արմեն Սարգսյանի դեմ մահափորձը կարող է նշանավորել Ուկրաինայի դեմ պատերազմում ներգրավված անձանց «վերացման» նոր փուլի մեկնարկ։ Եվ պատահական չէ, որ գործընթացը սկսվել է հայկական ազգանունով մարդուց։
Մարգարիտա Սիմոնյանի և մյուսների «ջանքով» հայկական ազգանունով մարդկանց Ուկրաինայում հաճախ թշնամաբար են ընկալում, թեև ուկրաինական կողմից եւս հայկական ստորաբաժանումներ կան: Իսկ Սերգեյ Նիկոյանը ուկրաինական մայդանի խորհրդանիշն է։
Ռուսաստանն ու Ուկրաինան հայերի հետ կապված ցավոտ բարդույթներ ունեն, և պատահական չէ, որ նրանց միջև իրական սահմանն անցնում է Արմյանսկով, որտեղից բխում են սլավոնական իշխանների արմատները։ 1000 տարի առաջ հայկական ձագումով բյուզանդական կայսրերի միջոցով նրանք դարձել է օրինական աշխարհի մաս: