Հայկականից հետո Էրդողանը ձեռնամուխ եղավ քրդական խնդրին, այժմ՝ Սիրիայի հետ

Էրդողանը բանակցություններ է վարել երեքշաբթի Անկարա ժամանած Սիրիայի անցումային կառավարության ղեկավար Ահմեդ ալ-Շարաայի հետ։

Էրդողանն ասել է, որ Ալ-Շարաայի հետ քննարկել է Քրդստանի աշխատավորական կուսակցության (PKK, Թուրքիայում արգելված) և «Իսլամական պետության» դեմ պայքարի համատեղ քայլերը։

«Ես իմ պատրաստակամությունն եմ հայտնել անհրաժեշտ աջակցություն ցուցաբերել Սիրիային ցանկացած մարտում, լինի դա ISIS*, թե PKK\PYD դեմ: Ցանկանում եմ իմ գոհունակությունը հայտնել ահաբեկչության դեմ պայքարի հարցում իմ եղբոր՝ Ահմեդ ալ-Շարաայի ամուր կամքի առնչությամբ։ Հույս ունեմ, որ մենք միասին կգործենք»,- ասել է Էրդողանը։

Հիշեցնենք, որ երեկ տեղեկություններ հայտնվեցին, որ Քրդստանի աշխատավորական կուսակցության առաջնորդ Աբդուլլահ Օջալանը, ով 1999 թվականից պատիժ է կրում բանտում, դիմելու է իր կողմնակիցներին՝ զենքերը վայր դնելու և Թուրքիայի հետ կռիվը դադարեցնելու կոչով։

Լոզանի պայմանագրի հավանական չեղարկումից հետո իր սահմանները հաստատելու համար Թուրքիան պետք է լուծի երկու հիմնական խնդիր՝ հայկական և քրդական։ Հայկական հարցը գործնականում լուծված է. Արցախի օկուպացիայից հետո Հայաստանի վարչապետն անձամբ է շրջում աշխարհով մեկ՝ համոզելու սփյուռքին հրաժարվել Ցեղասպանությունից և Թուրքիայի դեմ պահանջներից՝ ճանաչելով հայ-թուրքական ներկայիս անօրինական սահմանը։

Հիմա հերթը քրդերինն է։