Տեղի է ունենում Արցախյան շարժման 37-րդ տարեդարձին նվիրված ժողով
- 12:45 13.02.2025
Փետրվարի 13-ին Երեւանում՝ Ղարաբաղյան շարժման սկզբի 37-րդ տարեդարձի կապակցությամբ, տեղի է ունենում ժողով, որին մասնակցում են 30-ից ավելի պատգամավորներ և Շարժման ակտիվիստներ։
Արցախի խորհրդարանի նախագահի պաշտոնակատար Գագիկ Բաղունցը ափսոսանքով նշել է, որ մենք Արցախում չենք նշում Շարժման 37-ամյակը, սակայն պարտավոր ենք քայլեր ձեռնարկել Արցախ վերադառնալու կամքը պահպանելու ու պայմաններ ստեղծելու համար։
ԼՂՀ ԱԺ նախկին պատգամավոր Ալյոշա Գաբրիելյանը նշել է. Արցախը մեզ սպասում է։ Իրավապաշտպան Էդուարդ Փոլադովը կոչ է արել կազմակերպել արցախցիների կոմպակտ բնակեցում Հայաստանում, քանի որ ցրվելով աշխարհով մեկ՝ վերադառնալուց նրանց դժվար կլինի հավաքվել։
Արցախյան շարժման ակտիվիստ Բորիս Առուշանյանը վստահ է, որ միայն համայն հայության համախմբումը կարող է հնարավորություն ստեղծել հայկական արժեքները պահպանելու և վերադարձի գաղափարն իրականացնելու համար։
Հասարակական գործիչ Արտակ Բեգլարյանը թվարկեց գործողություններ, որոնք կնպաստեն Արցախի պահպանմանը. Արցախի ժողովրդի մոբիլիզացիա, չվախենալ պահանջել սեփական իրավունքների պաշտպանությունը, դիմել միջազգային դատարան Ալիևի դեմ հայցով, հայության և աշխարհիի իրազեկել Արցախի և արցախցիների մասին, թույլ չտալ Հայաստանի իշխանությունների պառակտում առաջացնել հայ հասարակության մեջ։
Ակտիվիստ Գագիկ Ավանեսյանն իր ելույթում եւս ընդգծեց վերադարձի հարցում համախմբված աշխատանքի անհրաժեշտությունը։ Նա հիշեցրեց, որ Շարժումը սկսվել է փետրվարի 12-ին՝ Հադրութի առաջին հանրահավաքով, և կոչ է արել հավատարիմ մնալ ժամանակագրությանը։
Ալվարդ Գրիգորյան
