Մինսկի խմբի համանախագահներն փորձում են իրար հետ նորից մերձենալ, պետք է օգտվել այդ առիթից
- 21:20 20.02.2025
Արցախյան շարժման 37 ամյակի առթիվ «Միասին» շարժումն այսօր հանրահավք անցկացրեց Ազատության հրապարակում։
«Մենք պարտավոր ենք Արցխաի հարցը համարել չլուծված, պարտավոր ենք Արցախը համարել հայկական, որովհետեւ դա մեզ համար այն դարպասներն են, որոնք բերում են դեպի Հայաստան։ Պարզվում է՝ Հայաստանն ուղղակի կդառնա անպաշտպան, եթե Արցախը մերը չէ»,- ասաց Հայաստանի Դեմոկրատական կուսակցության նախագահ Արամ Սարգսյանը։
Նա նշեց, որ Նիկոլ Փաշինյանը դիտավորյալ այս օրերին հայտարարեց Սահմանադրության փոփոխության մասին․ «Հասկանալով, որ փետրվարի 20-ը ազգային ազատագրական պայքարի վերելքի օրն է՝ ցնդաբանություններ ասաց։ Սահմանադրության փոփոխության հարցը մենք ընդհնարապես պետք է բացառենք, սրան պետք է հեռացնել իշխանությունից, ուրիշ ելք չունենք»։
Արամ Սարգսյանի խոսքով՝ միասնական պետք է լինել եւ դիմել միջազգային հանրությանը։ «Օրինակ՝ մենք հիմա գտնում ենք, որ անհրաժեշտ է Մինսկի խմբի համանախագահներին դիմել։ Հանրահավաքի անունից մենք այդ քայլն ուզում ենք անել։ Համանախագահներն այսօր փորձ են անում իրար հետ նորից մերձենալ, պետք է օգտվել այդ առիթից։ Մինսկի խումբը պետք է նորից աշխատի, եւ դա կվբերի նրան,որ վերջապես նորից միջազգայնացված կլինի այս հարցը։ Այլ կերպ, մենք առանց միջնորդների այս խնդիրը չենք լուծի»,- նշեց նա։