Բողոքի ակցիա՝ Բաքվում պահվող հայ գերիների վերադարձի պահանջով

Այսօր ՀՀ կառավարության դիմաց ակցիա է կազմակերպվել ի աջակցություն Բաքվում պահվող հայ պատանդների։

Մասնակիցները պահանջել ու կոչ են արել կառավարությանը գործուն քայլեր ձեռնարկելու Բաքվում ապօրինաբար պահվող հայերի ազատ արձակման ուղղությամբ։

“Մեր հայրենակիցները տանջվում են այնտեղ միայն նրա համար, որ հայ են։ Այսօր հավաքվել ենք, որ կոչ անենք կառավարությանը, որպեսզի նա պատասխանատվություն և պատվախնդրություն ունենա հայ գերիների ազատ արձակման ուղղությամբ քայլեր անելու”,-ասել են մասնակիցները։