CaveLab՝ արցախցի ծնողների հետքրքրությունը տեխնոլոգիական կրթության հանդեպ աճել է
- 14:17 24.03.2025
Մարտի 30-ին CaveLab ինժեներական դպրոցը կանցկացնի բաց դաս, որի նպատակը բոլոր ներկաներին թվային ինժեներիային, ռոբոտաշինությանն ու բարձր տեխնոլոգիաների հնարավորությունների հետ ծանոթացնելն է։
CaveLab հիմնադրվել է 2024թ ին` ամերիկահայ Հարություն Դարաղչյանի և «Մունք» տեխնոդպրոցի համատեղ ջանքերով: Սասուն Դավթյանը, ով CaveLab դպրոցին զարգացման պատասխանատուն է հիմա, «Մունք» տեխնոդպրոցի աշխատակիցներից է եւ տեխնոաշխարհի ուղին մեկնարկել է իր համար Արցախում՝ «Մունք»-ի փոքրիկ ընտանիքում։
«CaveLab-ը ինժեներական կրթական դպրոց է, որը նպատակ ունի զարգացնել և կատարելագործել պատանիների տեխնիկական հմտությունները՝ նրանց ծանոթացնելով ինժեներական տարբեր ուղղություններին։ Մեր առաքելությունն է նպաստել նորարար և գիտելիքահեն հասարակության ձևավորմանը՝ ապահովելով որակյալ կրթություն և պրակտիկ փորձ։ Մենք ձգտում ենք պատրաստել բարձրակարգ մասնագետներ, ովքեր կկարողանան ներդրում ունենալ Հայաստանի տնտեսության և արտադրության զարգացման գործում»,- պատմում է Սասունը։
Նա նշում է, որ կրթական ծրագիրը հնարավորություն կտա ուսանողների ծանոթանալ հետեւյալ ուղղություններին ` Lego Mindstroms, Եռաչափ մոդելավորում Freecad-Blender եռաչափ տպագրություն և աշխատատանք հաստոցների հետ, 3D printer, Laser, inkscape/illustrator, CNC – Freeze, ձեռքի գործիքներ, Զոդման աշխատանքներ, Arduino Ռադիոէլեկտրոնիկա Ռադիոդետալներ և պարզ սխեմաներ, աշխատանքային պրակտիկա և շրջայցեր շուկայի ընկերություններ։
Դպրոցը ընդունում է 7-18 տարեկան պատանիների, ովքեր մինչեւ բարձրագույն կրթություն ստանալը կարող են արդեն կողմնորոշվել մասնագիտության հարցում։
«Ցավոք, Արցախի ընտանիքների մեծամասնությունը դեռևս բավականաչափ չեն կարևորում ճիշտ ընտրված մասնագիտության անհրաժեշտությունը, սակայն պետք է նաև նշեմ, որ վերջին ժամանակահատվածում աճ է նկատվում արցախցի ծնողների կողմից կրթության կարևորմանը, հատկապես՝ տեխնոլոգիական կրթության առումով, որը շատ ոգեւորիչ եւ հուսադրող է»,-ասում է Սասունը։
CaveLab-ում կրթության արժեքը կազմում է ամսական 25.000 դրամ, սակայն առանձնացրել են 3 սոցիալական խմբի ներկայացուցիչների, ովքեր կարող են օգտվել զեղչային համակարգից․ պատերազմում զոհված, անհետ կորած, կամ պատերազմում առաջին և երկրորդ կարգի հաշմանդամություն ձեռք բերած անձանց ընտանիքի անդամները)—40% զեղչ, Արցախից բռնի տեղահանված ընտանիքների անդամները—30% զեղչ, 3 և ավելի անչափահաս երեխաներ ունեցող ընտանիքի անդամներ 20% զեղչ։
Սասունը հիշեցնում է, որ բաց դասը լիովին անվճար կլինի, ինչպես նաև այդ օրը բոլոր մասնակիցները կստանան սովորելու որոշակի զեղչային նվեր քարտեր։
Զարգացող ու հարափոփոխ մեր ժամանակներում տեխնոլոգիական կրթությունը կարեւորելով եւ երեխաներին ժամանակակից կրթություն տալու համար CaveLab-ն առաջարկում է լինել https://www.facebook.com/share/15q2jqky1Z/?mibextid=LQQJ4d տեղեկացված եւ միասին հասնել տեխնոլոգիական առաջընթացի։
Մարիամ Սարգսյան