Շուշիի հայկական լինելը Հայաստանի համար կենսական նշանակություն ունի

«Մայիսը խորհրդանշական է մեր ժողովրդի համար, մայիսին մենք շատ հաղթանակներ կետրեցինք։ 1992 թվականի մայիսյան հերոսամարտով՝ Շուշիի ազատագրումով հայությունը նորից ապացուցեց, որ կարող է հայրենիքի ու ազատության համար կռվել, անկախ նրանից՝ թվաքակմանակով շատ ենք, լավ ենք զինված, թե վատ։ Այսօր մենք պետք է երկրպագենք մեր այդ հերոսներին, եւ սերունդների համար դաստիրակաչական օրինակ դա պետք է հանդիսանա»,- այսօր Եռաբլուրում լրագրողների հետ զրույցում ասաց Արցախի Ազգային ժողովի պատգամավոր Վահրամ Բալայանը։

Նա հավելեց, որ Շուշիի հայկական լինելը Հայաստանի համար կենսական նշանակություն ունի՝ ով տիրում է Շուշիին, նա տիրում է այս երկրամասին։ «Անհնարին էր չազատագրել Շուշին ու ունենալ հայկական Արցախ։ Ցավոք, կյանքը դա ապացուցեց, եւ վերջին զարգացումներն էլ դա ապացուցեցին։ 2020 թվականին հանձնվեց Շուշին, եւ կանխորոշվեց նաեւ պատերազմի հետագա ելքը, ես նկատի ունեմ 2023 թվականի իրադարձությունները։ Սա մեզ համար դաս պետք է լինի, որովհետեւ երբ 18-րդ դարի երկրորդ կեսին Շուշին հանձնվեց մեր հակառակորդներին, այն ժամանակ ողբերգության հիմքը դրվեց։ Ճիշտ է, մեր ժողովուրդը կարողացավ ապացուցել, որ Շուշին կարող է հայությանը նոր մղումների ու հաջողությունների լիցք հաղորդել, բայց, ցավոք սրտի, դա մինչեւ վերջ չկարողացանք առաջ մղել։ Եվ այդ քաղաքի կորստով մենք բացեցինք մեր անհաջողությունների դուռը»,- հավելեց Բալայանը։

Նրա խոսքով, սակայն, այնպես չէ, որ այս պարտությամբ մենք կորցրել ենք ամեն ինչ։ Դարերի ընթացքում մենք եւ հաղթանակներ ենք ունեցել, եւ անհաջողություններ։ Բայց մեր ժողովուրդն անցնում է այն ուղին, որը Հայկ նահապետն է գծել մեր ազգի համար։ «Եվ պատահական չէ, որ հազարամայակների ընթաքում, լինելով շրջապատված թշնամական երկրներով, մենք կարողացանք հաղթահարել եւ հասնել այսօրվան։ Մեր տարեկից ժողովուրդներն ու պետություններն այսօր չկան, փառք Աստծո, որ մենք այսօր ունենք ՀՀ եւ պետականություն, եւ աչքի լույսի պես պետք է փայփայենք այդ պետականությունը՝ հետագա մարտահարվերներին դիմակայելու համար»,- հավելեց Վահրամ Բալայանը։

Որպեսզի Շուշին ու ամբողջ Արցախն ազատագրվի, Բալայանի խոսքով, պետք է լինի համազգային միասնություն։ Մեր ժողվորդին կարելի է հաղթել միայն բաժանումների միջոցով, եւ այսօր հասարակությանը պառակտելու փորձեր են արվում, որը թշնամիների ծրագիրն է։ «Պետք է ամենախիստ պատիժների ենթարկել այն մարդկանց, որոնք խաթարում են այդ միասնականությունը։ Նույնիսկ պատասխանատու մարդիկ են այդպիսի բաժանարար գծեր դնում, սա վտանգավոր է, սա մեր պետականության ու ազգի օգտին չէ»,- նշեց նա։