Մեկնարկել է նախկինում արգելված մարդկային ԴՆԹ ստեղծելու նախագիծը
- 10:40 29.06.2025
Ինչպես հաղորդում է BBC-ն, Քեմբրիջում մեկնարկել է աննախադեպ և խիստ վիճահարույց մի նախագիծ, որի շրջանակներում գիտնականները հույս ունեն մարդու ԴՆԹ-ի կառուցվածքային բաղադրիչները հավաքել զրոյից՝ ատոմ առ ատոմ, դրանք կազմող սկզբնական քիմիական տարրերից։
(Բնօրինակ հոդվածը անգլերեն լեզվով կարող եք կարդալ այստեղ։)
Մինչև վերջերս այս ոլորտում ցանկացած հետազոտություն խստիվ արգելված էր՝ կապված այն մտավախությունների հետ, որ մարդու գենոմի խմբագրումը, ի վերջո, կարող է հանգեցնել այսպես կոչված դիզայներական երեխաների (նախապես ծրագրավորված բնութագրերով) ստեղծմանը կամ ապագայում որոշ անցանկալի՝ անկանխատեսելի և անդառնալի փոփոխությունների։
Այնուամենայնիվ, այժմ բրիտանական Wellcome Trust-ը՝ աշխարհի ամենամեծ բժշկական բարեգործական կազմակերպությունը, նախագծին հատկացրել է առաջին 10 միլիոն ֆունտ ստեռլինգը (մոտ 13,7 միլիոն դոլար), բացատրելով, որ այս աշխատանքի հնարավոր օգուտները զգալիորեն գերազանցում են դրանց հետ կապված ռիսկերը, քանի որ այն զգալիորեն կարագացնի մի շարք ներկայումս անբուժելի գենետիկական հիվանդությունների դեմ դեղերի որոնումները։