Հովհաննես Բաչկովը հաղթեց Ստամբուլի մրցաշարում
- 23:17 02.07.2025
Հայ բռնցքամարտիկ Հովհաննես Բաչկովը հերթական հաղթանակն է տարել պրոֆեսիոնալ բռնցքամարտում՝ նոկաուտի ենթարկելով իր մրցակցին IBA Pro-7 Champions’ Night մրցաշարում։
Սկզբում Բաչկովը պետք է ռինգում հանդիպեր ուզբեկ Շոխյախոն Երգաշևի հետ, սակայն վերջին պահին նրան փոխարինեց հարավաֆրիկացի Խոլիսանի Նդոնգենին։
Այս հաղթանակը Բաչկովի պրոֆեսիոնալ կարիերայի ութերորդն էր։ Նա իր ութ մենամարտերից յոթն ավարտել է նոկաուտով։
Հովհաննես Բաչկովը Եվրոպայի կրկնակի չեմպիոն է և Տոկիոյի Օլիմպիական խաղերի բրոնզե մեդալակիր։