Թրամփը հայտարարել է UFC-ի մենամարտի Սպիտակ տանը անցկացման մասին
- 10:45 05.07.2025
ВВС
ԱՄՆ նախագահ Դոնալդ Թրամփը հայտարարել է, որ UFC խառը մարտարվեստի մրցաշարի եզրափակիչ մենամարտը հաջորդ տարի կկայանա Սպիտակ տանը՝ Ամերիկայի անկախության 250-ամյակին նվիրված միջոցառումների շրջանակներում։
Այն կլինի «չեմպիոնների մենամարտ», որը կդիտի մոտ 20,000-ից 25,000 մարդ, ասել է Թրամփը հինգշաբթի օրը Այովայում կայացած հանրահավաքի ժամանակ։
UFC-ի ղեկավար Դանա Ուայթը, որը Թրամփի անձնական ընկերն է, խոստացել է. «Մենք ունենալու ենք անհավանական միջոցառումներ, որոշները՝ պրոֆեսիոնալ, որոշները՝ սիրողական»։
Թրամփը տարեսկզբից ի վեր ներկա է գտնվել UFC-ի մի քանի մենամարտերի, այդ թվում՝ անցյալ ամիս Նյու Ջերսի նահանգի Նյուարկ քաղաքում կայացած UFC 316-ին, որտեղ նա և Ուայթը լուսանկարվել են մենամարտը դիտելիս։
Այովայում կայացած հանրահավաքի ժամանակ Թրամփը հարցրել է. «Այստեղ ո՞վ է դիտում UFC-ն։ Հիանալի Դանա Ուայթը՞։ Մենք UFC մենամարտ ենք ունենալու։ Եվ մենք այս մենամարտը, պատկերացրեք, անցկացնելու ենք Սպիտակ տան տարածքում։ Մենք այնտեղ շատ տարածք ունենք»։
Հայտարարությունից կարճ ժամանակ անց Սպիտակ տան մամուլի քարտուղար Քերոլայն Լիվիտը հաստատեց Թրամփի ծրագրերը՝ գրելով սոցիալական ցանցերում X. «Սա լինելու է էպիկական մենամարտ»։
Թրամփի անձնական կապերը UFC-ի հետ ավելի քան 20 տարի առաջ են սկսվել։ 2001 թվականին, երբ Ուայթը դժվարանում էր գտնել մենամարտ անցկացնելու վայր, Թրամփը նրան հյուրընկալեց Ատլանտիկ Սիթիի “Թրամփ Թաջ Մահալում”։
Ուայթը աջակցել է Թրամփին նրա քաղաքական կարիերայի սկզբից՝ աջակցելով նրա 2016 թվականի նախագահական թեկնածությանը և անվանելով «իսկական մարտիկ»։
Անցյալ տարի Թրամփի դեմ կատարված անհաջող մահափորձից հետո Ուայթը նրան անվանեց «բոլոր ժամանակների ամենաիրականորեն կատաղի ամերիկացի տղամարդ»։
Թրամփը ենթադրել է, որ UFC մենամարտը կլինի Ամերիկայի անկախության 250-ամյակին նվիրված միջոցառումների երկար ցանկի մի մասը, որը կնշվի հաջորդ տարվա հուլիսի 4-ին։
«Ամերիկա-250-ին նվիրված հատուկ միջոցառումներ կանցկացվեն մեր ազգային պարկերից, մարտադաշտերից և պատմական վայրերից յուրաքանչյուրում», – խոստացավ նախագահը։