Խաչանովը դուրս եկավ Ուիմբլդոնի քառորդ եզրափակիչ
- 17:29 06.07.2025
Թենիսիստ Կարեն Խաչանովը (Ռուսաստան) Լոնդոնում ընթացող Ուիմբլդոնի մրցաշարի չորրորդ շրջանի խաղում հաղթեց լեհ Կամիլ Մայչժակին։
Խաչանովը հաղթեց Մայչժակին (աշխարհի վարկանիշային աղյուսակում 109-րդ տեղը) 6:4, 6:2, 6:3 հաշվով։
Թենիսիստները կորտում անցկացրեցին 1 ժամ 47 րոպե։
Խաչանովը կրկնեց Ուիմբլդոնում իր լավագույն արդյունքը։ 2021 թվականին նա ևս հասավ մրցաշարի քառորդ եզրափակիչ։
Կիսաեզրափակչի ուղեգրի համար Խաչանովը ուժերը կչափի Թեյլոր Ֆրից (ԱՄՆ) – Ջորդան Թոմփսոն (Ավստրալիա) զույգի հաղթողի հետ։