Եթե Սփյուռքի հարցերով հանձնակատարի հայրն է այդպես կարծում
- 10:06 07.07.2025
ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանի հայրը՝ Նուրհան Սինանյանը, վիրավորել է Բաքվի բանտում գտնվող Արցախի խորհրդարանի նախկին խոսնակ Դավիթ Իշխանյանին և վերջերս Երևանում ձերբակալված Արցախի խորհրդարանի պատգամավոր Դավիթ Գալստյանին։
Ավելի վաղ, Հայաստանի խորհրդարանի ընդդիմադիր «Հայաստան» խմբակցության անդամ Արթուր Խաչատրյանը սոցիալական ցանցերում հրապարակել էր Իշխանյանի և Գալստյանի հետ Ստեփանակերտում արված հին լուսանկարներից մեկը։
«Այսօր Դավիթ Իշխանյանին փակի տակ պահում է Իլհամ Ալիևը, իսկ Դավիթ Գալստյանին՝ Նիկոլ Փաշինյանը։ Սա է իրական Հայաստանը։ Նիկոլի կառուցած Հայաստանը», – գրել է պատգամավորը։
Նուրհան Սինանյանը որոշել է մեկնաբանել գրառումը։
«Այս տխմարները ձերբակալվել են իրենց ախմախ խելքի պատճառով, ու կարևոր չէ, թե ում կողմից», – գրել է պաշտոնյայի հայրը։
Ավելի ուշ Խաչատրյանն հաստատել է, որ մեկնաբանությունը թողել է Սինանյանի հայրը։
