Իրանը պատրաստ է միջուկային բանակցությունների ԱՄՆ-ի հետ՝ բայց պայմանով
- 09:07 22.07.2025
Իրանի արտաքին գործերի նախարար Աբբաս Արաղչիի խոսքով՝ Թեհրանը պատրաստ է երկխոսության Վաշինգտոնի հետ, եթե ԱՄՆ-ն փորձի գտնել փոխշահավետ լուծում: Այս փուլում Իրանը պարզապես ցանկանում է ամրապնդել վստահությունը Թեհրանի և Վաշինգտոնի միջև, հաղորդում է Fox News-ը։
Արաղչին ասել է, որ ամբողջ Արևմուտքը պետք է հավատա, որ Իրանը չի պատրաստվում ստեղծել միջուկային ռումբ, և որ ամբողջ ծրագիրը «խաղաղ» է։
Եթե Վաշինգտոնը ցանկանում է վերսկսել բանակցությունները Իրանի հետ, ապա ԱՄՆ-ն պետք է վերացնի պատժամիջոցները։
Իրանի արտաքին գործերի նախարարությունը հավելել է, որ սա յուրահատուկ խաղ է, որից բոլորը կշահեն, բայց այժմ Թեհրանը պատրաստ չէ Վաշինգտոնի հետ ուղիղ երկխոսության։