Վատիկանում ԵՄ դեսպան. Եվրոպան պետք է ուժի լեզվով խոսի «ուժեղ տղամարդկանց»՝ Թրամփի և Պուտինի հետ
- 08:25 02.09.2025
Եվրոպական Միությունը պետք է սովորի խոսել ուժի լեզվով և ցուցաբերի անսասանություն «ուժեղ տղամարդկանց»՝ ԱՄՆ-ի և Ռուսաստանի նախագահների՝ Դոնալդ Թրամփի և Վլադիմիր Պուտինի դեմ։ Այս կարծիքը հայտնել է Վատիկանում ԵՄ դեսպան Մարտին Զելմայրը երկուշաբթի երեկոյան՝ սեպտեմբերի 1-ին, Դրեզդենում Սաքսոնիայի կաթոլիկական գրասենյակի ամենամյա ընդունելության ժամանակ։ Այս մասին հայտնել է DW-ն։
«Ուժեղ մարդկանց դարաշրջանը միջազգային հարաբերություններին բերում է վաղուց չապրված անորոշություն», – ասել է նա։ «Տեղի են ունենում բաներ, որոնք մի քանի ամիս առաջ անհնար էին համարվում»։
Զելմայրի խոսքով՝ Թրամփը և Պուտինը «հասկանում են ուժի լեզուն, ինչպես նաև թուլության լեզուն». «Նրանք լուրջ չեն ընդունի նրանց, ովքեր անընդհատ զիջում են»։ Այս առումով գերմանացի դիվանագետը կարծիք է հայտնել, որ ԵՄ-ն պետք է պատասխան մաքսատուրքեր սահմանի Միացյալ Նահանգներից ներմուծվող ապրանքների վրա։ Ի վերջո, «բացի տնտեսական ուժի Եվրամիությունը ոչինչ չունի հակադրվելու «ուժեղ տղամարդկանց»։