Քաոս Նեպալում. իրավիճակը վերահսկողությունից դուրս է եկել սոցցանցերի փակումից հետո
- 22:17 09.09.2025
Նեպալի կառավարությունը վերացրել է սոցիալական ցանցերի արգելքը բողոքի ցույցերի պատճառով։ Նախորդ օրը ցույցերի ճնշման ժամանակ զոհվել է առնվազն 19 մարդ։ Սակայն, չնայած վարչապետի և նախագահի հրաժարականին, ցուցարարները չեն լքում փողոցները։ Այժմ նրանք խոսում են կոռուպցիայի դեմ։
Սեպտեմբերի 9-ին ցուցարարները հրկիզել են նախագահական նստավայրը, խորհրդարանը, կառավարական համալիրը, Գերագույն դատարանի շենքը, իշխող կուսակցության գրասենյակը և մի քանի այլ օբյեկտներ։ Նրանք նաև հրկիզել են Նեպալի նախկին վարչապետի տունը։ Նախկին վարչապետը ծեծի է ենթարկվել, իսկ նրա կինը փակված է եղել տանը։ Հետագայում պարզվել է, որ նա մահացել է ստացած այրվածքներից։
Իրավիճակը դուրս է եկել վերահսկողությունից, և տարբեր երկրներ փորձում են տարհանել իրենց քաղաքացիներին։
