Սերդար Քըլըչը Հայաստան է ժամանել Մարգարայի անցակետով

Թուրքիայի հատուկ ներկայացուցիչ Սերդար Քըլըչը ժամանեց Հայաստան։
Մարգարա անցակետում նրան դիմավորեց Հայաստանի հատուկ ներկայացուցիչ, խորհրդարանի փոխխոսնակ Ռուբեն Ռուբինյանը։
Քըլըչը մի շարք հանդիպումներ կունենա Հայաստանում։

Մինչ Հայաստան գալը նշելով «Զանգեզուրի միջանցքի» գործունեության կարևորությունը՝ Քըլըչը ասել է.

«Այս հաղորդակցության գիծը հատկապես կարևոր է։ Զանգեզուրի գիծը կարևոր է ոչ միայն Հայաստանի և Թուրքիայի, այլև ամբողջ Կենտրոնական Ասիայի և թյուրքական հանրապետությունների համար՝ նոր հնարավորություններ բացելու առումով։ Թուրքիայի նախագահի հանձնարարականներին համապատասխան՝ կարճաժամկետ հեռանկարում ցանկանում ենք բացել այդ գիծը և նպաստել երկու երկրների տնտեսություններին, մասնավորապես՝ Իգդիրի և Կարսի զարգացմանը»։