Ճգնաժամ Ֆրանսիայում. Մակրոնը մենա՞կ է մնացել
- 09:27 09.10.2025
Ֆրանսիայի նախագահ Էմանուել Մակրոնը 48 ժամվա ընթացքում կնշանակի նոր վարչապետ, չորեքշաբթի օրը հայտարարեց Ելիսեյան պալատը՝ հերքելով նոր ընտրությունների մասին ենթադրությունները։
Ավելի վաղ Ֆրանսիայի հեռացող վարչապետ Սեբաստիան Լեկորնուն հայտարարել էր, որ Ֆրանսիայի խորհրդարանի անդամների մեծամասնությունը չի ցանկանում վաղաժամկետ ընտրություններ և պատրաստ է փոխզիջումների գնալ, որոնք կարող են հանգեցնել կառավարության նոր ղեկավարի նշանակմանը «48 ժամվա ընթացքում»։
«Խորհրդարանում կա մեծամասնություն, և այդ մեծամասնությունը ձգտում է խուսափել նոր ընտրություններից», – ասել է նա։
Վերլուծաբանների կարծիքով, եթե նոր ընտրություններ անցկացվեն, ծայրահեղ աջերը և ծայրահեղ ձախերը կարող են մեծամասնություն ստանալ խորհրդարանում։