Մակրոնը Լեկորնյուին վերանշանակեց Ֆրանսիայի վարչապետի պաշտոնում
- 10:21 11.10.2025
Չորս օր առաջ Ֆրանսիայի վարչապետի պաշտոնից հրաժարական տված Սեբաստիան Լեկորնյուն Ֆրանսիայի նախագահ Էմանուել Մակրոնի կողմից վերանշանակվեց այդ պաշտոնում հոկտեմբերի 10-ի երեկոյան։ Ելիսեյան պալատի կայքէջի համաձայն՝ Լեկորնյուiն հանձնարարվել է ձևավորել կառավարություն։
Սեբաստիան Լեկորնյուն հրաժարական է տվել 2026 թվականի պետական բյուջեի շուրջ համաձայնության չգալու պատճառով։ Վարչապետի պաշտոնում վերանշանակվելուց հետո քաղաքական գործիչը X սոցիալական ցանցում գրել է. «Պարտականության զգացումից ելնելով՝ ես ընդունում եմ Հանրապետության նախագահի կողմից ինձ վստահված առաքելությունը՝ անել ամեն ինչ, որպեսզի Ֆրանսիան տարեվերջին ստանա բյուջե, և արձագանքել մեր հայրենակիցների առօրյա խնդիրներին»։
«Մենք պետք է վերջ դնենք այս քաղաքական ճգնաժամին, որը նյարդայնացնում է ֆրանսիացիներին, և այս անկայունությանը, որը վնասում է Ֆրանսիայի կերպարին և շահերին», – հավելել է Լեկորնուն։