Իսրայելը կրկին ավիահարվածներ է հասցրել Գազայի հատվածին
- 09:09 20.10.2025
Իսրայելը ավիահարվածներ է հասցրել Գազայի հարավում գտնվող Ռաֆահին՝ մեղադրելով Համասին «հրադադարի կոպիտ խախտման» մեջ։ Կիրակի օրը ավելի ուշ իսրայելական զինվորականները հայտարարել են, որ հարվածներ են հասցրել Գազայի հարավում գտնվող Համասի թիրախներին։ Հետագայում Իսրայելի պաշտպանության բանակը հայտարարել է, որ վերադառնում է հրադադարին։
Իսրայելական զինվորականները հայտարարել են, որ Համասը «մի քանի հարձակումներ է իրականացրել իսրայելական զորքերի վրա՝ «Դեղին գծից» այն կողմ, որտեղ, նրանց պնդմամբ, իսրայելական զորքերը նահանջել են ԱՄՆ-ի միջնորդությամբ կնքված համաձայնագրի առաջին փուլի համաձայն։ Կիրակի առավոտյան Համասի հարձակման հետևանքով զոհվել է երկու իսրայելցի զինվոր, հայտարարել է Իսրայելի պաշտպանության բանակը, չնայած Համասը հերքում է իր մասնակցությունը։
Խմբավորումը մեղադրել է Իսրայելին համաձայնագրի բազմակի խախտումների մեջ՝ պնդելով, որ Իսրայելի ռազմական գործողությունների հետևանքով արդեն սպանվել է առնվազն 46 պաղեստինցի։ Համասը նաև պնդում է, որ Իսրայելը թույլատրել է համաձայնագրով նախատեսված մարդասիրական օգնության և վառելիքի միայն մի փոքր մասը։