Հանդիպում է նախատեսվում Գյումրի-Կարս երկաթգծի վերագործարկման հարցով

Մոտ ժամանակներս թուրքական կողմի հետ տեղի կունենա միջգերատեսչական հանդիպում՝ Գյումրի-Կարս երկաթգծի վերագործարկման հարցով։ Այս մասին այսօր լրագրողներին ասաց ՀՀ ԱԺ փոխնախագահ Ռուբեն Ռուբինյանը։ Նա հստակ չասաց՝ թուրքական կողմի հետ հանդիպումը դարձյալ Հայաստանո՞ւմ է լինելու։ «Կասենք հետո»,- նշեց Ռուբինյանը։

Նա հավելեց, որ հայ-թուրքական սահմանի բացման վերաբերյալ եւս քննարկումներ են ընթանում։

Լրագրողները նաեւ հարց ուղղեցին այն մասին, թե երբ Սերդար Քըլըչը այցելեց Հայաստան, նրա անձնագրում մուտքի եւ ելքի կնիք դրվե՞լ էր։ Ռուբեն Ռուբինյանն ասաց, որ պետք է այլ մարմիններին ուղղել այդ հարցը։