Պետդուման օրենք ընդունեց, որ զորակոչն անցկացվի կլոր տարի

Պետդումայի պատգամավորները լիագումար նիստում երրորդ ընթերցմամբ ընդունեցին մի օրինագիծ, որը նախատեսում է զինվորական ծառայության զորակոչ ամբողջ օրացուցային տարվա ընթացքում: Այս մասին հաղորդվել է Պետդումայի կայքում։

«Զինվորական ծառայության պահեստազորում չգտնվող քաղաքացիների զորակոչը կիրականացվի Ռուսաստանի Դաշնության նախագահի հրամանագրի համաձայն՝ ամբողջ օրացուցային տարվա ընթացքում՝ հունվարի 1-ից մինչև դեկտեմբերի 31-ը (ներկայումս զորակոչը տեղի է ունենում տարեկան երկու անգամ՝ ապրիլի 1-ից մինչև հուլիսի 15-ը և հոկտեմբերի 1-ից մինչև դեկտեմբերի 31-ը)», – ասվում է հայտարարության մեջ։

Փաստաթուղթը նաև սահմանում է զինվորական կոմիսարիատ ներկայանալու վերջնաժամկետ՝ զորակոչի գրանցամատյանում տեղադրված կանչերից հետո: Այս վերջնաժամկետը չի կարող գերազանցել 30 օրը՝ սկսած հրապարակման օրվանից։

Աշնանային զորակոչը Ռուսաստանում սկսվել է հոկտեմբերի 1-ին: Նախագահի հրամանագրի համաձայն՝ ծառայության է զորակոչվում ընդհանուր առմամբ 18-ից 30 տարեկան 135,000 տղամարդ: Սա վերջին ինը տարիների ընթացքում ամենամեծ աշնանային զորակոչն է։