ԱՄՆ-ում ռեկորդային շաթդաունն ավարտվեց
- 09:36 13.11.2025
Նոյեմբերի 13-ի՝ չորեքշաբթի գիշերը, ԱՄՆ նախագահ Դոնալդ Թրամփը ստորագրեց դաշնային կառավարության ֆինանսավորումը մինչև հունվարի 30-ը երկարաձգող օրինագիծ։ Դրանով ավարտվեց ԱՄՆ պատմության մեջ ամենաերկար շաթդաունը։
Նախորդ երեկոյան օրինագիծը հաստատվեց ԱՄՆ Ներկայացուցիչների պալատի (Կոնգրեսի ստորին պալատ) կողմից։ 222 անդամ քվեարկեց կողմ, 209-ը՝ դեմ։ Նոյեմբերի 11-ի երեկոյան շաթդաունը ավարտող օրինագիծը հաստատվեց Սենատի՝ ԱՄՆ խորհրդարանի վերին պալատի կողմից։
ԱՄՆ-ում շաթդաունը այս անգամ տևեց 43 օր, ինչը այն դարձնում է երկրի պատմության մեջ ամենաերկար նմանատիպ դադարը։