Արցախցիրին հրաժարվել են տաղավար տրամադրել СОР-17-ի կանաչ գոտում․ Բեգլարյան
- 22:57 19.10.2026
«COP17-ը հրաշալի հնարավորություն է ոչ միայն բարձրացնելու Արցախի մշակութային ժառանգության հարցը, այլև ընդհանրապես անդրադառնալու բնիկ ժողովուրդների իրավունքների թեմային։ Սա հնարավորություն է ներկայացնելու, թե ինչ է արել և շարունակում անել Ադրբեջանը Արցախում՝ թե՛ կենսաբազմազանության ոլորտում, թե՛ ավելի լայն առումով՝ Արցախի բնիկ ժողովուրդների իրավունքների հետ կապված, որոնք, ՄԱԿ-ի չափանիշներով, ուղղակիորեն կապված են կենսաբազմազանության հետ», – «Sputnik Armenia»-ին ասել է Արցախի նախկին պետնախարար Արտակ Բեգլարյանը։
Նա նաև հավելել է, որ COP17-ի օրակարգային հարցերից մեկը վերաբերում է բնիկ ժողովուրդների և տեղական համայնքների իրավունքներին կենսաբազմազանության համատեքստում։
«Մեր կազմակերպությունը՝ «Արցախ միությունը», պաշտոնական հայտ է ներկայացրել Կանաչ գոտում տաղավար տեղադրելու համար՝ Արցախի ժողովրդի խնդիրները լուսաբանելու և COP17-ի համատեքստում Արցախի կենսաբազմազանությունը ընդգծելու համար։ Մեզ մերժեցին, և տաղավարը չտրամադրեցին», – նշել է Բեգլարյանը։
Առցանց հարցման պատասխանում պարզապես նշված էր, որ տաղավարը չի տրամադրվի։
«Սակայն անկախ նրանից, թե ինչ ենք մենք ներկայացնում միջազգային հանրությանը, մենք չենք հասնի շոշափելի առաջընթացի Արցախի ժողովրդի իրավունքների պաշտպանության գործում, քանի դեռ Հայաստանը չի սկսել պաշտպանել մեր իրավունքները պետական մակարդակով: Փոխարենը, այն անում է հակառակը՝ խոչընդոտելով այս գործընթացը», – եզրափակեց նա: