Սուրբ Բարդուղիմեոս առաքյալի մասունքից մի կտոր ընծայաբերվել է Մայր աթոռ սուրբ Էջմիածնին
- 21:02 11.11.2024
Հայոց առաջին լուսավորիչ, Հայ առաքելական սուրբ եկեղեցու հիմնադիր Սուրբ Բարդուղիմեոս առաքյալի մասունքից մի կտոր ընծայաբերվել է Մայր աթոռ սուրբ Էջմիածնին։ Տեղեկությունը հայտնում է Մայր աթոռի տեղեկատվական համակարգը։
Նշվում է, որ մասունքը, որը պահվում էր Պրահայի կաթոլիկ եկեղեցում, նոյեմբերի 10-ին Մայր տաճարում Սուրբ պատարագի ավարտից հետո, եկեղեցուն հանձնել է Հայաստան ժամանած Պրահայի արքեպիսկոպոս Յան Գրաուբները։
Նշենք, որ կաթոլիկ եկեղեցին սրբերի մասունքները հայկական եկեղեցուն է փոխանցել երեք անգամ՝ 1970, 1994 և 2024 թվականներին։
Ամենահին հայպատումները պատմում են, որ առաջին քրիստոնեության քարոզիչները Հայաստանում եղել են հենց առաքյալներ Թադեոս և Բարթողիմեոսը։ Նրանք են Հայաստան բերել քրիստոնեության լույսը։