Ինտերնետային տարածքում ակտիվ պայքար է մղվում հայերի և նրանց հողերը օկուպացրած հարևանների միջև։ Այս պայքարը միակողմանի, աբսուրդ է և հաճախ անպատասխան է։

Բաքվի բոթերը, որոնք տարիներով հայերին անվանում էին «եկվորներ» Հայկական լեռնաշխարհում, երկար ժամանակ չէին կարողանում կողմնորոշվել, թե որտեղից են “եկել” հայերը։ Այժմ նրանց նոր հանձնարարություն է տրվել, և սկսվել է արշավ՝ հայերին ուղարկում են հայրենիք՝ Հնդկաստան։ Զուգահեռ պնդվում է, որ ադրբեջանցիները բնակվել են Հայկական լեռնաշխարհում Նոյի ժամանակներից, ուղղակի լեռնաշխարհը սխալմամբ անվանվել Հայկական։

Ներկայումս, երբ Էրդողանը կոչ է անում բոլոր թյուրքական երկրների անցնել ընդհանուր այբուբենի՝ լատինական տառերով, Բաքվի բոթերը փորձում են աշխարհին համոզել, որ հայերենը սարսափելի նման է հինդիին, և ընդհանրապես, հայերը՝ բոշաներ են, այսինքն՝ Հնդկաստանից ժամանած ցիգաններ։

Ամեն մեկը, իհարկե, զվարճանում է իր հնարավորությունների սահմաններում, բայց, ասենք, Իրանի կողմից Հայաստանի հետ հազարամյակների պատմական կապերի մասին հայտարարությունների, ադրբեջանցիներին քմծիծաղով իրանցիների վերաբերմունքի ֆոնին, Բաքվի ջանքերը՝ Արցախի հայերին ներկայացնելու որպես եկվորներ, ցեղասպանության ակտ են հիշեցնում։

Նույնիսկ Արցախի օկուպացիայից, ամբողջ գյուղերի քանդումից ու բնիկ բնակչության տեղահանությունից հետո պայքարը հայերի ազգային ինքնության և իրավունքների դեմ չի դադարում։ Արդարացնելու համար օտար հողերի օկուպացիան, հայերին փորձում են ներկայացնել որպես առանց տարածքի և պետության ազգ։

ВВС

Երեկ Ադրբեջանում բացվեց COP29 կլիմայական գագաթնաժողովը: Գագաթնաժողովի երկու շաբաթվա ընթացքում մասնակից երկրները պետք է որոշեն, արդյոք կավելանա զարգացած երկրների կողմից կլիմայի փոփոխության դեմ պայքարի ֆինանսավորումը: Միաժամանակ, գագաթնաժողովին շատ միջազգային առաջնորդներ չեն կարողացել մասնակցել, իսկ COP29-ի կազմակերպիչ երկրում միջոցառման նախօրեին սկանդալ է առաջացել:

COP29-ի օրակարգի կարևորագույն կետն է՝ համաձայնություն ձեռք բերել կլիմայական ծրագրերի ֆինանսավորման նպատակով զարգացող երկրներին տարեկան մինչև մեկ տրիլիոն դոլար տրամադրելու վերաբերյալ: Ներկայումս այդ ֆինանսավորման ծավալը կազմում է 100 միլիարդ դոլար, որի ժամկետը լրանում է այս տարի: 2020 թվականից ի վեր հարուստ, կամ զարգացած երկրները միշտ չէ, որ կատարել են այդ պարտավորությունները, ինչն էլ, ինչպես նշում է Reuters գործակալությունը, հանգեցրել է կլիմայի փոփոխության նկատմամբ խոցելի երկրների շրջանում աճող անվստահության:

Նախորդ տարի Դուբայում տեղի ունեցած նմանատիպ գագաթնաժողովում երկրները համաձայնության եկան աստիճանաբար հրաժարվել հանածո վառելիքից, սակայն այդ ժամանակից ի վեր դրա օգտագործումն ու վաճառքը շարունակում են աճել, իսկ որոշ երկրներում, օրինակ՝ ԱՄՆ-ում և Ադրբեջանում, նոր հանքավայրեր են զարգացվում:

Զարգացած երկրների կողմից կլիմայի փոփոխության դեմ պայքարի ֆինանսավորման ավելացման հարցի քննարկումները կանցնեն ԱՄՆ ընտրված նախագահ Դոնալդ Թրամփի վերջին հայտարարության ֆոնին, ըստ որի՝ ԱՄՆ-ը պատրաստվում է կրկին դուրս գալ Փարիզյան համաձայնագրից (նա համարում է, որ կլիմայական փոփոխությունները հորինվածք են): Ինչպես նշում է Reuters գործակալությունը, ԱՄՆ-ի կողմից այսպիսի քայլը կարող է հանգեցնել նրան, որ մյուս երկրները հրաժարվեն նախկին պարտավորություններից կամ նվազեցնեն իրենց նպատակները կլիմայական փոփոխությունների դեմ պայքարում:

ԱՄՆ նախագահական ընտրությունների արդյունքները հիասթափություն են պատճառել նրանց, ովքեր մտահոգված են կլիմայի փոփոխություններով, այս մասին COP29 գագաթնաժողովում հայտնել է ԱՄՆ պատվիրակության ղեկավար Ջոն Պոդեստան: Այնուամենայնիվ, նա խոստացել է, որ երկրում կլիմայական փոփոխությունների դեմ պայքարը կշարունակվի:

Նավթագազային ոլորտը կազմում է Ադրբեջանի տնտեսության գրեթե կեսը և ավելի քան 90%-ը արտահանման մեջ: Նավթը գլխավոր արտահանվող արտադրանքն է, իսկ երկրորդ տեղում՝ գազը, որը Ադրբեջանը առաջարկում է որպես «անցումային շրջանի» վառելիք:

Եվրոպան փորձում է նվազեցնել կախվածությունը ռուսական գազից: Reuters գործակալության կանխատեսմամբ՝ այս տարի Ադրբեջանի գազի արտահանումը դեպի Եվրոպա կգերազանցի 12 միլիարդ խորանարդ մետրը (անցյալ տարի այն կազմել էր 11.8 միլիարդ խորանարդ մետր):

Գագաթնաժողովի նախօրեին BBC-ի տրամադրության տակ է հայտնվել տեսանյութ, որտեղ COP29-ի գործադիր տնօրեն Էլնուր Սուլթանովը քննարկում է իրեն ներդրող ներկայացնող մարդու հետ պետական նավթագազային Socar ընկերությունում ներդրումների հնարավորությունը՝ լինելով նրա ղեկավար խորհրդի անդամ: Այդ տեսանյութում Սուլթանովը նույնպես գազը կոչում է «անցումային վառելիք» և խոսում Ադրբեջանի՝ գազի արդյունահանման ավելացման և նոր խողովակաշարերի ենթակառուցվածքների ստեղծման պլանների մասին: