Ինչո՞ւ ինքնասպան եղավ Ռուսաստանի տրանսպորտի նախարարը
- 22:20 07.07.2025
Ռուսաստանի տրանսպորտի նախարարության նախկին ղեկավար Ռոման Ստարովոյտը, ով այսօր ինքնասպան է եղել, կարող էր երեկոյան բերման ենթարկվեր Քննչական կոմիտեի կողմից և տարվել հարցաքննության, հաղորդում է RT-ն՝ հղում անելով իրավապահ շրջանակների աղբյուրներին։
Հրապարակման համաձայն, պաշտոնյային մեղադրանք կառաջադրվեր բազմամիլիոն դոլարների գողության համար։
Ավելի վաղ Ստարովոյտի մարմինը՝ հրազենային վերքով, հայտնաբերվել էր նրա անձնական Tesla-ի մոտ՝ Օդինցովո քաղաքային շրջանում։
Իրավապահ մարմինների պաշտոնյաների խոսքով՝ Ստարովոյտը ինքնասպան է եղել 2023 թվականին ՆԳՆ-ից առաջադրանքները կատարելուն օգնելու համար ստացած պարգևատրման զենքով։
Ստարովոյտը այսօր առավոտյան հեռացվել է իր պաշտոնից՝ Ռուսաստանի Դաշնության նախագահի հրամանագրով։ Ավելի ուշ տեղեկություններ հայտնվեցին Կուրսկի շրջանի նահանգապետ լինելու ժամանակ սահմանային պաշտպանական դիրքերի ամրապնդման համար հատկացված միջոցների գողության մասին։
ՌԲԿ-ի աղբյուրները հայտնում են, որ Տրանսպորտի նախարարի պաշտոնից Ստարովոյտի հրաժարականի վրա ազդել են Կուրսկի շրջանի սահմանին ամրաշինությունների կառուցման ընթացքում գողության հետաքննությունը և տրանսպորտային կոլափսը։
ՌԲԿ-ի՝ նախագահական վարչակազմին մոտ կանգնած աղբյուրներից մեկը հավելում է, որ հրաժարականի վրա կարող էր ազդել անցյալ շաբաթավերջին անօդաչուների հարձակման պատճառով օդանավակայաններում տեղի ունեցած կոլափսը։
Համաձայնվել, որ հենց ավիացիոն կոլափսն է դարձել նախարարի պաշտոնանկության պատճառը, կնշանակեր բացահայտորեն ընդունել, որ Ուկրաինան ունակ է ազդել Ռուսաստանի կադրային քաղաքականության վրա, իսկ դա արդեն քանդում է «վերահսկողության» և «կայունության» առասպելը, գրում են ռուսական փաբլիկները։