Դատախազությունը բողոքարկել է դատարանի որոշումը՝ արդարացնելու Փաշինյանի վրա խնձոր նետած արցախցուն
- 09:02 08.08.2025
ՀՀ դատախազությունը բողոքարկել է առաջին ատյանի դատարանի որոշումը, որը ապրիլին արդարացրել էր 72-ամյա արցախցի Ալբերտ Առուստամյանին։
Փաստաբան Ռոման Երիցյանի խոսքով՝ վերաքննիչ բողոքը քննելու առաջին նիստը տեղի կունենա այս տարվա սեպտեմբերի 17-ին։
Հիշեցնենք, որ Առուստամյանը անցյալ տարվա օգոստոսին խնձոր էր նետել մոտակայքում անցնող ՀՀ վարչապետ Նիկոլ Փաշինյանի վրա։ Այդ ժամանակ նրա դեմ գործ էր հարուցվել ՀՀ Քրեական օրենսգրքի «խուլիգանություն» հոդվածով, սակայն դատարանը հետագայում արդարացրել էր նրան։