Մադրիդից հարավ երկու գնացքների բախման հետևանքով զոհվել է ավելի քան 60 մարդ
- 19:29 28.10.2026
Իսպանիայում երկու արագընթաց գնացքներ բախվել են Մադրիդը Անդալուսիայի հարավային շրջանի հետ կապող երկաթուղային գծի վրա։ Իշխանությունների տվյալներով՝ զոհվել է առնվազն 64 մարդ։
Լրագրողների հետ հարցազրույցում Իսպանիայի տրանսպորտի նախարար Օսկար Պուենտեն բախումն անվանել է «իսկապես անհավանական»։
Պուենտեի խոսքով՝ համակարգչային խափանումը սկզբում կանգնեցրել է վեց գնացք, այդ թվում՝ երկուսը, որոնք հետագայում բախվել են։
«Համակարգի խափանման դեպքում կառավարումն անցնում է կառավարման կենտրոնին», – ասել է Պուենտեն՝ հավելելով, որ հենց կառավարման կենտրոնն է որոշել թույլատրել գնացքների երթևեկությունը վերսկսել առանց արագության որևէ սահմանափակման։
Նախարարի խոսքով՝ այս որոշումը կայացվել է «անհասկանալի հանգամանքներում»։ Արդյունքում՝ Renfe գնացքը բախվել է Iryo գնացքին, որը կայանված էր գծերի վրա մի փոքր ավելի հեռու։