DW

Ամերիկյան ավիաուղիների Bombardier CRJ700 ինքնաթիռը, որն իրականացնում էր տարածաշրջանային թռիչք Կանզաս նահանգի Վիչիտա քաղաքից, Ռոնալդ Ռեյգան Վաշինգտոնի ազգային օդանավակայանում վայրէջք կատարելիս բախվել է Army Black Hawk ուղղաթիռին: Վթարը տեղի է ունեցել չորեքշաբթի՝ հունվարի 29-ին, տեղական ժամանակով ժամը 21:00-ին, գրում է AP գործակալությունը։

Պաշտոնական տվյալներով՝ ինքնաթիռում, որը թռչում էր Կանզասից, եղել է 60 ուղեւոր և անձնակազմի չորս անդամ։ Բախումից հետո ինքնաթիռն ու ուղղաթիռը ընկել են Պոտոմակ գետը։ Օդանավակայանում բոլոր թռիչքները դադարեցվել են, իսկ կործանման վայրում սկսվել է փրկարարական գործողություն։ Լուրը հրապարակելու պահին զոհերի մասին պաշտոնական տեղեկություն չկար, սենատոր Թեդ Քրուզը սոցիալական ցանցերում գրել է, որ «կան զոհեր»։

CNN-ի և CBS-ի տվյալներով՝ փրկարարները մինչ այժմ հայտնաբերել են մահացածների միայն 18 դի և ոչ մի ողջ մնացած ուղևորի։ Ընդգծվում է, որ որոնողափրկարարական աշխատանքները բարդանում են մթության, Պոտոմակում ջրի ցածր ջերմաստիճանի և ուժեղ քամիների պատճառով։

ԱՄՆ Հետաքննությունների դաշնային բյուրոն (ՀԴԲ) հերքել է այն ենթադրությունները, որ ինքնաթիռի կործանումը կարող էին լինել ահաբեկիչների կողմից։ «Հանցագործության կամ ահաբեկչության հետքեր չկան»,- հաղորդում է NBC News-ը՝ վկայակոչելով հետախուզական գործակալության ներկայացուցչին։

ԱՄՆ-ի ռազմական աղբյուրը Reuters-ին հայտնել է, որ ուղղաթիռը ուսումնամարզական թռիչք էր կատարում։ Ուղաթիռում գտնվող երեք զինծառայողների ճակատագրի մասին չի հաղորդվում։ Պաշտպանության նախարարությունը սկսել է ողբերգության հետաքննությունը, և Պենտագոնի ղեկավարն իր անկեղծ ցավակցությունն է հայտնել ուղևորների ընտանիքներին և ընկերներին։

Դաշնային ավիացիոն վարչությունը, որը վկայակոչում է AP-ն, հայտնել է, որ ինքնաթիռը, որը մոտենում էր վայրէջք կատարելուն, օդանավակայանի վերահսկիչներից թույլտվություն է խնդրել փոխել թռիչքուղիները հենց վթարից առաջ: Հաստատելով հարցումը՝ կարգավարները կապվել են ուղղաթիռի հետ և խնդրել են զիջել։ Մեկ րոպե չանցած՝ բախումը է տեղի ունեցել.

Դեպքի մասին տեղեկացվել է ԱՄՆ նախագահ Դոնալդ Թրամփը։ «Աստված օրհնի նրանց հոգիները»,- ասել է Թրամփը՝ հավելելով, որ ավելի ուշ կներկայացնի ավիավթարի մանրամասները։

«Մենք մեզ մեղավոր չենք ճանաչում»,- այսօր դատարանում հայտարարեց Ստեփանակերտի քաղաքապետ Դավիթ Սարգսյանը։

Այսօրվա դատական նիստի ընթացքում դատարանը Ստեփանակերտի քաղաքապետի նկատմամբ վարչական հսկողություն խափանման միջոցը վերացրեց։ Փաստաբանն ասաց, որ Դավիթ Սարգսյանը 7 ամիս է՝ տանից դուրս չէր եկել։

Դավիթ Սարգսյանը շուրջ 7 ամիս մեղադրվում էր «ծանր հանցագործության»՝ Արցախից բերված մի քանի մեքենաներ իբր «խարդախությամբ հափշտակելու» համար։ Իրականում Ստեփանակերտի քաղաքապետն ու ավագանին ընդամենը տնօրինել էին քաղաքապետարանին պատկանող մեքենաները՝ դրանք հանձնել էին այն աշխատակիցներին, որոնք փաստացի բերել էին մեքենաները բռնի տեղահանության ծանր օրերին՝ որպես իրենց ընտանիքները Հայաստան փոխադրելու միջոց։

Պաշտպանության կողմը մեղադրանքի առաջին իսկ օրվանից հայտարարում էր դրա անհեթեթության մասին, քանի որ չկար ու չէր էլ կարող լիներ տուժող, ինչը պարտադիր է հափշտակության բոլոր հանցակազմերում։ Ի վերջո, 2024թ. դեկտեմբերի վերջին քննչական մարմինը փաստացի ընդունեց պաշտպանների փաստարկները եւ վերացրեց խարդախության մեղադրանքը: Սակայն քրեական հետապնդումը դադարեցնելու փոխարեն Դավիթ Սարգսյանին եւ ավագանու անդամներին նույն արարքի համար առաջադրվեց մեկ այլ հիմնազուրկ մեղադրանք՝ «ինքնիրավչություն»։

«Մենք մեզ մեղավոր չենք ճանաչում, սխալ գործարք չենք արել, այդ մեքենան էլ պատկանում է Ստեփանակերտի քաղաքապետարանին»,- այսօր դատարանում հայտարարեց Դավիթ Սարգսյանը։

Լրագրողների հետ զրույցում հարցին, թե ո՞ւմ է խանգարում ինքը, ինչո՞ւ են գործ հարուցել, Դավիթ Սարգսյանը պատասխանեց․ «Կամ հեղինակությամբ եմ խանգարում, կամ, որ արցախցի եմ, Ստեփանակերտի քաղաքապետն եմ, ժողովուրդը հարգում են, մենք էլ իրենց ենք հարգում սիրում»։