Եգիպտոսի մայրաքաղաք Կահիրեում զանգվածային բողոքի ցույցեր են տեղի ունեցել։ Հարյուրավոր մարդիկ դուրս են եկել փողոց՝ իրենց վրդովմունքն արտահայտելով նախագահ Աբդել Ֆաթահ ալ Սիսիի գործողությունների կապակցությամբ։

Վրդովմունքի պատճառ է դարձել նախագահական նոր պալատի և վարչական մայրաքաղաքի կառուցման մասին հայտարարությունը, որի արժեքը գնահատվում է 45 միլիարդ դոլար։

Լրացուցիչ լարվածություն են ստեղծում իշխանությունից հեռացված «Մուսուլման եղբայրներ» շարժման կողմնակիցները, որոնք ակտիվորեն մասնակցում են ցույցերին։ Քաղաքագետները մատնանշում են Թուրքիայի և Կատարի հնարավոր ազդեցությունը, որոնք ավանդաբար աջակցում են այս շարժմանը։

Նիկոլ Փաշինյանի երեկվա «առաջարկը» նախկին նախագահներին՝ քննարկել 1994 թվականից հետո Ղարաբաղի շուրջ բանակցությունները, աղմկոտ, երբեմն էլ հեգնական արձագանք առաջացրեց։ Լեւոն Տեր-Պետրոսյանի ներկայացուցիչն, օրինակ, կոչ արեց Փաշինյանին բանավիճել… Փաշինյանի հետ. Իսկ Ռոբերտ Քոչարյանի ու Սերժ Սարգսյանի ներկայացուցիչները նույնիսկ հայտարարեցին, որ հնարավոր չէ բանավճել ակնհայտի շուրջ։

Երեք նախագահների ներկայացուցիչները վերահրապարակեցին մի շարք փաստեր և փաստաթղթեր, որոնք ի սպառ հերքում են Փաշինյանի այն հայտարարությունները, թե 1994 թվականից հետո բանակցությունները վերաբերում էին Ղարաբաղը Ադրբեջանին «վերադարձնելու» հարցին։ Սակայն քննարկման «ֆորմատը» սահմանված է՝ Փաշինյանը երեք նախագահներին է մեղադրում Ղարաբաղի հանձնման մեջ, իսկ երեք նախագահներ՝ Փաշինյանին։

Կարծես Ալիևի զորքերը չէին մտել Ղարաբաղ, 2020-ից հետո Շուշիի մոտ թուրք զինվորները չէին կանգնած, Ակնայում ռուս-թուրքական «մոնիթորինգային» կենտրոնը չէր, ռուսականխաղաղապահները» չէին գնդացիրներով ստուգում Արցախ մեկնող հայերին, իսրայելցի զինվորականները չէին, որ վերահսկում էին անօդաչու սարքերը Ֆուզուլիի օդանավակայանից։ Իսկ 2023 թվականի սեպտեմբերի 17-ին Կոստանդնուպոլսում հավաքվել էին ոչ թե ԵՄ-ի, ԱՄՆ-ի և Ռուսաստանի ներկայացուցիչները՝ Արցախի բռնազավթումը հաստատելու համար, այլ Հայաստանի նախկին նախագահները։ Փաշինյանը մեղադրում է նախկին նախագահներին՝ թաքցնելու համաշխարհային դավադրությունը, որի անդամն է, և սադրելու նախագահներին՝ «բացահայտելու» համաշխարհային մեղավորներին եւ “վատամար” դառնալ։

Բայց նախկին նախագահները “վատիկներ” դուրս եկան ու սխալ պատասխաններ տվեցին, քանի որ նրանք էլ էին այս դավադրության մաս, ուղղակի տարբեր փուլերում։ Նրանք իրենց «փաստարկներում» չեն նշում ո՛չ 1921 թվականի ռուս-թուրքական պայմանագրերը, ո՛չ Ղարաբաղը հանձնելու Ստալինի որոշումը, ո՛չ էլ Կարսի պայմանագրի ընդլայնման Ռուսաստանի և Թուրքիայի ծրագրերը։ Սա նշանակում է, որ նրանք էլ են թաքցնում ճշմարտությունը։

Քանի դեռ Կարսի պայմանագիրը, որպես Հայաստանի սահմանների իրավական հիմք, խորը տաբուի տակ է Հայաստանում, Հայաստանի նախագահներն ու վարչապետները պինգ-պոնգ են խաղալու՝ կեղտոտելով հասարակության ուղեղը և չխանգարելով Թուրքիային և Ռուսաստանին ամրապնդել իրենց սահմանները։ նոր պայմանագիրը խորհրդանշականորեն կամփոփեն Շուշիում՝ անձամբ Պուտինն ու Էրդողանը։ Փաշինյանն ու երեք նախագահները հրավիրված չեն։

Թրամփն ասել է, որ ԱՄՆ-ին Գրենլանդիան անհրաժեշտ է անվտանգության համար: Իր առաջին նախագահական ժամկետում նա արդեն առաջ է քաշել Գրենլանդիան ձեռք բերելու գաղափարը, սակայն երկու անգամ էլ կղզու իշխանությունները մերժել են նման առաջարկը։

Գրենլանդիայում ԱՄՆ-ի մեծ ռազմաբազա կա։ Գրենլանդիան Դանիայի թագավորությանը ենթակա խորհրդարանական հանրապետություն է։ Կոպենհագենը որոշում է արտաքին և անվտանգության քաղաքականությունը, ֆինանսական հարցերը լուծվում են կղզու կառավարության մասնակցությամբ։

Ավելի վաղ Թրամփը հայտարարել էր, որ ԱՄՆ-ը կարող է վերականգնել վերահսկողությունը Պանամայի ջրանցքի նկատմամբ։

«Պանամայի ջրանցքը բացվել է բիզնեսի համար 110 տարի առաջ և կառուցվել է Միացյալ Նահանգների համար հսկայական ծախսերով՝ կյանքի և հարստության առումով. 38,000 ամերիկացիներ մահացել են վարակված մոծակներից ջունգլիներում շինարարության ընթացքում», – գրել է Թրամփը TruthSocial սոցիալական ցանցում։ Նա «հիմարություն» է անվանել ջրանցքը Պանամային փոխանցելը ԱՄՆ 39-րդ նախագահ Ջիմի Քարթերի կառավարման ժամանակ։

Պանամայի նախագահ Խոսե Ռաուլ Մուլինոն արձագանքել է Թրամփի հայտարարություններին՝ ընդգծելով, որ Պանամայի ջրանցքը և հարակից տարածքները պատկանում են և պատկանելու են Պանամային։ Նա նշել է, որ ջևանցքը ծառայում է միջազգային հանրությանը և չի մասնակցում հակամարտություններին։