Լուսանկարները՝ Մարութ Վանյանի
Ասկերան, 2023․ Երկինքն էլ էր տագնապում
Հեղինակ՝ naira
Էքրեմ Իմամօղլուն առաջադրվել է Թուրքիայի նախագահի թեկնածու
DW
Թուրքիայի ընդդիմադիր Ժողովրդահանրապետական կուսակցությունը (CHP) կիրակի օրը՝ մարտի 23-ին, առաջադրել է պաշտոնանկ արված և բանտարկված Ստամբուլի քաղաքապետ Էքրեմ Իմամօղլուին որպես նախագահի թեկնածու։ CHP-ի փրայմերիզներին մասնակցել է Թուրքիայի 15 միլիոն քաղաքացի, ինչը կազմում է երկրում գրանցված ընտրողների գրեթե մեկ քառորդը։ Նրանցից 13,2 միլիոնը աջակցություն է հայտնել Իմամօղլուին, ով միակ թեկնածուն էր։
CHP-ի նախագահ Օզգուր Օզելը կոչ է արել Թուրքիայի գործող նախագահ Ռեջեփ Թայիփ Էրդողանին արտահերթ նախագահական ընտրություններ անցկացնել և մրցակցել Էքրեմ Իմամօղլուի դեմ։
Նույն օրը ընդդիմության տասնյակ հազարավոր կողմնակիցներ հավաքվել էին Ստամբուլի քաղաքապետարանի մոտ՝ բողոքարկելու այն, ինչ նրանք համարում են Էրդողանի մրցակցի քաղաքական դրդապատճառներով հետապնդում: «Իմամօղլուն մի կողմից բանտում է, իսկ մյուս կողմից՝ նախագահական գնալու ճանապարհին»,- հանրահավաքում Օզելի խոսքերը մեջբերում է AP-ն։ Ցուցարարների առջեւ ելույթ է ունեցել նաեւ նախագահի նոր թեկնածու Դիլեք Քայա Իմամօղլուի կինը։
Ցուցարարները փորձել են բարիկադներ կառուցել և բախվել ոստիկանության հետ, գրում է Milliyet-ը։ Արդյունքում, նրա տվյալներով, 66 ցուցարար բերման է ենթարկվել, հինգ ոստիկան վիրավորվել է։
Ուկրաինա-ԱՄՆ բանակցությունները «կառուցողական» էին. ինչ է առաջարկում ԱՄՆ-ը
Ուկրաինայի պատվիրակության ղեկավար, պաշտպանության նախարար Ռուստեմ Ումերովը սոցցանցերում գրել է, որ Սաուդյան Արաբիայում ԱՄՆ ներկայացուցիչների հետ երեկվա հանդիպումն ավարտվել է։
«Զրույցը եղել է կառուցողական և առարկայական. մենք քննարկել ենք առանցքային հարցեր, մասնավորապես էներգետիկայի ոլորտում»,- գրել է նա՝ չհստակեցնելով, թե արդյոք երկուշաբթի նոր հանդիպումներ են նախատեսվում։
ԱՄՆ-ը նախատեսում է քայլեր առաջարկել Ուկրաինայում հրադադարի հասնելու համար՝ սկսած ենթակառուցվածքների և Սև ծովի վրա հարձակումների դադարեցումից, այնուհետև անցնելով հրադադարի ռեժիմի ողջ ճակատային գծի երկայնքով: Համապատասխան հայտարարությունն արել է ԱՄՆ ազգային անվտանգության հարցերով խորհրդական Մայքլ Ուոլցը Fox News-ի եթերում։
Առաջին քայլը պետք է լինի էներգետիկ ենթակառուցվածքների վրա հարձակումների փոխադարձ դադարեցումը: «Երկու կողմերն էլ պետք է դադարեցնեն անօդաչու թռչող սարքերի և հրթիռների արձակումը ատոմակայանների, նավթամուղերի և էներգետիկ ցանցերի ուղղությամբ», – ասել է նա։
Հաջորդ քայլը կարող է լինել գերիների փոխանակումը որպես բարի կամքի ժեստ: Այնուհետեւ ամերիկյան կողմն առաջարկում է անցնել Սեւ ծովում անվտանգության ապահովմանը։ Հացահատիկի, գազի և նավթի առևտուրը կարևոր է երկու երկրների և այլ ազգերի համար, ասել է Ուոլցը: Ամերիկացի առաջնորդի խորհրդականի խոսքով՝ այս կետերի իրագործումից հետո կարելի է լուծել ամենադժվար խնդիրը՝ հրադադարի ռեժիմը ողջ ճակատային գծում։
«Դա խրամատային պատերազմ է, որը ձգվում է գրեթե 800 մղոն», – ավելացրեց Ուոլցը: Խորհրդականը նշել է, որ Սպիտակ տան նախագահ Դոնալդ Թրամփը հասկանում է իրավիճակի բարդությունը և այն, թե ինչպես են «երկու կողմերն էլ ամուր ամրացրել իրենց դիրքերը»։
Ավելի վաղ Թրամփի հատուկ բանագնաց Սթիվ Ուիթքոֆը հնչեցրել էր այն, թե ինչ ԱՄՆ-ն տեսնում է որպես լուծում.
▪️Սև ծովում ռազմական գործողությունների դադարեցման մասին համաձայնագիրը կարող է ուժի մեջ մտնել արդեն հաջորդ շաբաթ
▪️Ուկրաինան համաձայնել է նախագահական ընտրություններ անցկացնել. Դրանք տեղի կունենան
▪️ԱՄՆ-ը գրավյալ տարածքների ճանաչումը դիտարկում է որպես ռուսական «կենտրոնական խնդիր».
Դոնբասը, Ղրիմը ռուսախոս են։ Եղել են «հանրաքվեներ, և մարդկանց մեծամասնությունը նշել է, որ ցանկանում է լինել Ռուսաստանի օրենսդրության ներքո»։
▪️Կենտրոնական հարցը մնում է այն, թե արդյոք Զելենսկին կարող է գոյատևել քաղաքականապես, եթե դա ընդունի
▪️ԱՄՆ-ն կենտրոնացած է արդյունքի և համաձայնության վրա, որով կարող է ապրել ուկրաինացի ժողովուրդը
▪️Ուկրաինան դեռ չի կարող դառնալ ՆԱՏՕ-ի անդամ՝ պայմանավորված Ռուսաստանի Դաշնության և ԱՄՆ-ի դիրքորոշմամբ, սակայն Հավաքական պաշտպանության դաշինքի 5-րդ հոդվածով նրան երաշխիքներ տրամադրելու հարցը բաց է մնում
▪️Ուկրաինայի նախագահը հայտնվել է բարդ իրավիճակում՝ դիմակայելով չորս անգամ ավելի մեծ բնակչությամբ միջուկային պետությանը։
Ավելի ուշ Սթիվ Ուիթքոֆը բացատրեց իր հայտարարությունը Ուկրաինայի օկուպացված տարածքներում «հանրաքվեների» մասին։ Fox News-ում արված նոր հայտարարության մեջ նա ասել է, որ ինքը ոչ թե իր, այլ Կրեմլի կարծիքն է արտահայտում։ «Ես որևէ կողմ չեմ բռնում», – ասել է ԱՄՆ նախագահի հատուկ ներկայացուցիչը։
Նրա խոսքով, առանց փաստերի հաստատման ոչ մի հակամարտություն չի կարող լուծվել։ «Եվ դա հենց այն է, ինչ մենք անում ենք՝ հաստատելով փաստերը»,- հավելեց նա:
Ավելին, Ուիթքոֆը պնդում է, որ Պուտինը «Եվրոպայի վրա հարձակվելու մտադրություն չունի»: Նա այսպես պատասխանեց լրագրողի այն հարցին, թե արդյո՞ք Կրեմլն ավելի առաջ չի գնա, եթե իրեն «վերադարձնեն» Ուկրաինայի օկուպացված տարածքները։ Ուիթքոֆը նշել է, որ եվրոպական երկրները ՆԱՏՕ-ի անդամ են և ունեն այն զենքը, որն անհրաժեշտ է իրենց պաշտպանելու համար։ Նա «ակադեմիական հարց» է անվանել դեպի Եվրոպա պատերազմի ընդլայնման հեռանկարները և կոչ է արել կենտրոնանալ Ուկրաինայում պատերազմի ավարտի վրա։
ԱՄՆ նախագահ Դոնալդ Թրամփի վարչակազմը նախատեսում է մինչև ապրիլի 20-ը պայմանավորվել Ուկրաինայի և Ռուսաստանի միջև հրադադարի շուրջ։ Եվ դա չնայած այն բանին, որ Կրեմլը խաթարում է հրադադարի մասնակի ռեժիմը։ Այս մասին հայտնում է Bloomberg-ը՝ հղում անելով անանուն աղբյուրներին։
“Արցախ” կամերային նվագախմբի համերգը կայացավ․ սիրո մեղեդի
Երեւանի Կոմիտասի անվան Կամերային երաժշտության տանը այսօր կայացավ “Արցախ” կամերային նվագախումբի համերգը։ Գեղավերստական ղեկավար, մենակատար եւ գլխավոր դիրիժոր՝ սիրված Նարեկ Հախնազարյանը։
Համերգը կոչվում էր “Սիրո մեղեդիներ”։ Եւ թեկուզ այն նվիրված էր սիրո տոներին, սակայն ակնհայտ է, որ աշխարը այս օրերին ամենաշատը սիրո կարիքն ունի։
ՀԲԸՄ-ի աջակցությամբ 2004 թվականին ստեղծված նվագախումբը դժվարությունների բախվեց հակամարտությունների և տեղահանության պատճառով։
Աշխարհահռչակ թավջութակահար Նարեկ Հախնազարյանի, սոպրանո Հասմիկա Պապյանի նոր էներգիայով և ՀԲԸՄ-ի ֆինանսական աջակցությամբ նվագախումբը վերադառձավ բեմ:
ՆԳՆ․ եթե պարզվի՝ Տիգրան Ուլուբաբյանի գործով ոստիկանները մեղավոր են, կպատժվեն
ՆԳՆ պաշտոնյան պարզաբանումներ ներկայացրեց բողոքի ակցիա անող արցախցիներին։ Նա ասաց, որ եթե պարզվի՝ Տիգրան Ուլուբաբյանի գործով ոստիկանները մեղավոր են, կպատժվեն։
«Բավարարված ենք այնքանով, որ ոստիկանության ներկայացուցիչները հարկ են համարել դրսեւորել հարգանք եւ դուրս գալ, այսպիսի պարզաբանումներ տալ։ Վստահ եղեք որ այսպիսի հավաքներից եւ անհամաձայնություն հայտնելուց հետո նրանք դրսեւորելու են ավելի լուրջ վերաբերմունք տեղի ունեցածի վերաբերյալ եւ այլեւս կանաչ լույսի տակ չեն քայլելու։ Ես գտնում եմ, որ այսօր մեր ակցիայով եւ ճանապարհը փակելով՝ հասել ենք մեր ուզածին, եւ ՆԳՆ ներկայացուցչի ասածից էլ բխում է, որ այս ամենի վերաբերյալ լինելու է լուրջ վերաբերմունք»,- հայտարարեց փաստաբան Ռոման Երիցյանը։
Նա ասաց, որ արցախցիները ակցիան դադարեցնում են մինչեւ մարտի 29-ը։ Հիշեցնենք, որ մարտի 29-ին արցախցիները հանրահավաք են անցկացնելու։
Լրացված․ Արցախցիների երթի մասնակիցները փակեցին ճանապարհը, ոստիկանները սպառնացին, որ ֆիզիկական ուժ կկիրառեն
Բողոքի ակցիա անող արցախցիները Ներքին գործերի նախարարության շենքի մոտ փակել են ճանապարհը՝ պահանջելով, որպեսզի ոստիկանությունից իրենց հստակ պատասխաններ տան իրենց հարցերի վերաբերյալ։
«Ճանապարհը փակում ենք եւ սպասում՝ մինչեւ ՆԳՆ-ն մեզ պատասխան կտա» ,- հայտարարեց փաստաբան Ռոման Երցյանը։
Ոստիկանությունը հայտարարեց, որ քաղաքացիների գործողությունները չեն բխում օրենքից, պահանջեցին բացել ճանապարհը։ Ոստիկանները սպառնացին ճանապարհը չբացելու դեպքում ֆիզիկական ուժ կկիրառեն։
Այսօրվա ակցիան իրականացվում է արցախցի փաստաբան Ռոման Երիցյանի կոչով։ Նա երեկ հայտնել էր, որ ՆԳՆ-ն իր դեմ նյութեր է պատրաստել եւ ուղարկել Քննչական կոմիտե, եւ, ըստ տեղեկությունների, խնդիր է դրված ամեն գնով կալանավորել իրեն։ Արցախցի փաստաբան Ռոման Երիցյանը, հիշեցնենք, վերջին օրերին ակտիվ զբաղվում է Ոստիկանության Վանաձորի բաժանմունքում խոշտանգված արցախցի Տիգրան Ուլուբաբյանի շահերի պաշտպանությամբ եւ բարձրաձայնում է այս գործով բոլոր խախտումների մասին։
Լրացված ՆԳՆ-ից խոստացան պատասխանել արցախցիների հարցերին, նրանք բացեցին ճանապարհը։
Իմամօղլուն կալանավորվել է, բողոքի ակցիաները շարունակվում են
Թուրքիայի դատարանը պաշտոնապես կալանավորել է Ստամբուլի քաղաքապետ և հաջորդ ընտրություններում նախագահ Ռեջեփ Թայիփ Էրդողանի հավանական մրցակից Էքրեմ Իմամօղլուին։
Իմամօղլուն ձերբակալվել է չորեքշաբթի՝ մարտի 19-ին, կոռուպցիայի մեղադրանքով։ Դա տեղի ունեցավ 2028 թվականին նշանակված նախագահական ընտրություններում նրան որպես թեկնածու առաջադրելուց ընդամենը օրեր առաջ։
Իմամօղլուն հերքում է իր դեմ առաջադրված մեղադրանքները, և բողոքի ցույցերը նրա ձերբակալության դեմ, որոնք վերջին տասնամյակում ամենախոշորն են Թուրքիայում, շարունակվում են արդեն չորս օր:
«Ես երբեք չեմ ենթարկվի»,- գրել է նա իր սոցցանցում։
Օդի ջերմաստիճանը կբարձրանա 11-14 աստիճանով
Հանրապետության տարածքում` մարտի 23-ի ցերեկը, 24-ին սպասվում է առանց տեղումների եղանակ։ Քամին՝ հարավարևմտյան՝ 2-5մ/վ: Օդի ջերմաստիճանը մարտի 24-28-ին ցերեկային ժամերին կբարձրանա 11-14 աստիճանով։
Ինչպես տեղեկացնում են «Հայպետհիդրոմետում», Երեւանում մարտի 23-ի ցերեկը, 24-ին սպասվում է առանց տեղումների եղանակ։
Առաջիկա գիշեր մայրաքաղաքում կլինի 0+2, վաղը ցերեկը՝ +12+14։
Օդի ջերմաստիճանը մարզերում.
Շիրակում գիշերը՝ -7-129, ցերեկը՝ +6+9,
Կոտայքի լեռներում գիշերը՝ -8-13, ցերեկը՝ +5+8,
Կոտայքի նախալեռներում գիշերը՝ 0-2, ցերեկը՝ +9+11,
Սեւանա լճի ավազանում գիշերը՝ -7-11, ցերեկը՝ +2+6,
Լոռիում գիշերը՝ -5-10, ցերեկը՝ +7+11,
Տավուշում գիշերը՝ -5-9, ցերեկը՝ +7+12,
Արագածոտնի լեռներում գիշերը՝-7-12, ցերեկը՝ +2+6,
Արագածոտնի նախալեռներում գիշերը՝ 0-2, ցերեկը՝ +7+11,
Արարատում գիշերը՝0-3, ցերեկը՝ +7+13,
Արմավիրում գիշերը՝ -1+2, ցերեկը՝ +12+15,
Վայոց ձորի լեռներում գիշերը՝ -6-10, ցերեկը՝ +2+5,
Վայոց ձորի նախալեռներում գիշերը՝ -1+2, ցերեկը՝ +11+15,
Սյունիքի հովիտներում գիշերը՝ -1+4, ցերեկը՝ +12+15,
Սյունիքի նախալեռներում գիշերը՝ -2-5, ցերեկը՝ +4+5։
Ռուսաստանն ու Իսրայելը Արցախի օրինակով արտաքսում են բնիկներին
Իսրայելի կառավարությունը հավանություն է տվել Գազայի հատվածից կամավոր արտագաղթի հետ կապված մարմնի ստեղծմանը։ Այս մասին հայտնել է Իսրայելի վարչապետի աշխատակազմի խորհրդական Դմիտրի Գենդելմանը։
Ավելի վաղ ԱՄՆ նախագահ Դոնալդ Թրամփը Իսրայելի վարչապետ Բենիամին Նեթանյահուի հետ հանդիպման ժամանակ կարծիք էր հայտնել, որ Գազայի հատվածի բնակիչները կարող են վերաբնակեցվել տարբեր երկրներում, այդ թվում՝ Հորդանանում և Եգիպտոսում՝ հավելելով, որ ԱՄՆ-ն «վերահսկելու է» Գազայի հատվածը։
Ուկրաինայի քաղաքացիները, ովքեր գտնվում են Ռուսաստանում առանց օրինական հիմքերի, պետք է լքեն երկիրը կամ կարգավորեն իրենց իրավական կարգավիճակը մինչև 2025 թվականի սեպտեմբերի 10-ը, գրված է Վլադիմիր Պուտինի հրամանագրում։ Համապատասխան փաստաթուղթը հրապարակվել է իրավական ակտերի պաշտոնական պորտալում։
Հիշեցնենք, որ խոսքը ուկրաինացիների մասին է, որոնք ապրել և բնակվում են Դոնբասում և Ռուսաստանի կողմից օկուպացված այլ տարածքներում։
Այսպիսով, Արցախի օրինակը, որտեղից Ռուսաստանն ու Թուրքիան, ԱՄՆ-ի և ԵՄ-ի հետ կոնսենսուսով, արտաքսեցին բնիկ հայ բնակչությանը, դարձել է վարակիչ։ «Ռազմական լուծումից» և տեղահանությունից մեկուկես տարի անց ոչ մի միջազգային մարմին կամ օտար պետություն քաղաքական գնահատական չի տվել Արցախում տեղի ունեցածին։ Առավել «համարձակները» սա անվանում են «էթնիկ զտումներ», թեև իրավական իմաստով այս տերմինը որևէ պատասխանատվություն չի ենթադրում։
Մյուս կողմից, Արցախի ժողովրդին «թույլատրվում է» միայն անկապ «վերադարձի իրավունքը», որը նույնպես իրավաբանորեն ոչ պարտադիր կատեգորիա է։
Այնպես որ, Ռուսաստանն ու Իսրայելը կարող են հեշտությամբ վտարել բնիկ բնակչությանը օկուպացված տարածքներից՝ չվախենալով պատասխանատվությունից։ Ավելին, ԱՄՆ-ն արդեն խոսում է օկուպացված տարածքները ռուսական ճանաչելու մասին, քանի որ Դոնբասը և Ղրիմը ռուսալեզու են։ «Եղել են հանրաքվեներ, և մարդկանց մեծամասնությունը նշել է, որ ցանկանում է լինել ռուսական օրենսդրության ներքո», – ասել է ԱՄՆ նախագահի խորհրդական Ուիթկոֆը:
Ինչ վերաբերում է Պաղեստինին, ապա ՄԱԿ-ում ԱՄՆ ներկայացուցիչը հայտարարել էր, որ Իսրայելն ունի «բիբլիական իրավունք» այդ տարածքների նկատմամբ։ Իսկ բնիկ ժողովուրդը թող ապրի որտեղ ուզում է։
Արաղչիի գրքի հայերեն տարբերակը կներկայացվի Երևանում. նախաբանը գրել է Արարատ Միրզոյանը
Շուտով լույս կտեսնի ԻԻՀ ԱԳ նախարար Սեյեդ Աբբաս Արաղչիի «Բանակցության ուժը» գրքի հայերեն թարգմանությունը։ Այս մասին հայտնում է Pars Today կայքը:
Հատկանշական է, որ գրքի նախաբանը գրել է ՀՀ ԱԳ նախարար Արարատ Միրզոյանը։ Գիրքը թարգմանվել և հրատարակվել է Հայաստանում Իրանի դեսպանության ջանքերով։
«Միացիր մեզ եղբայր, միասին պաշտպանված ենք, առանձին՝ տկար»
«Միացիր մեզ եղբայր, միասին պաշտպանված ենք, առանձին՝ տկար», «արդարություն», «ոչ բռնությանը», «ոչ ոստիանապետությանը» եւ այլ կոչերով արցախցիները բողոքի ակցիա արեցին Քննչական կոմիտեի շենքի մոտ, այնուհետեւ երթով շարժվեցին դեպի Ներքին գործերի նախարարություն։
Այսօրվա ակցիան իրականացվում է արցախցի փաստաբան Ռոման Երիցյանի կոչով։ Նա երեկ հայտնել էր, որ ՆԳՆ-ն իր դեմ նյութեր է պատրաստել եւ ուղարկել Քննչական կոմիտե, եւ, ըստ տեղեկությունների, խնդիր է դրված ամեն գնով կալանավորել իրեն։
Ռոման Երիցյանը լրագրողների հետ զրույցում ասաց՝ սկզբում կարծում էր, որ արցախցի լինելը որեւէ դեր չունի, բայց գնալով համոզվում է, որ կապ ունի։ «Իհարկե, խոսել այն մասին, որ խոշտանգման զոհ են դառնում բացառապես արցախցիները, սխալ կլինի, բայց հիմնականում խոշտանգման թիրախում արցախցիներն են, որովհետեւ նրանք ավելի շատ են դեմ արտահայտվում ՀՀ այսօրվա իշխանության վարած քաղաքականությանը»,- ասաց Երիցյանը։
Արցախցի փաստաբան Ռոման Երիցյանը, հիշեցնենք, վերջին օրերին ակտիվ զբաղվում է Ոստիկանության Վանաձորի բաժանմունքում խոշտանգված արցախցի Տիգրան Ուլուբաբյանի շահերի պաշտպանությամբ եւ բարձրաձայնում է այս գործով բոլոր խախտումների մասին։
Արցախի ԱԺ պատգամավոր Դավիթ Գալստյանն ասաց, որ այսօր երկրում ոստիկանապետություն է ստեղծվել, եւ միայն արցախցիների նկատմամբ չէ այս վերաբերմունքը։ «Ոստիկաները Հայաստանի Ազգային ժողովի պատգամավորի են ծեծի ենթարկում, եւ էլի անպատժելիության մթնոլորտ է։ Այսինքն՝ սա համատարած է, սա միայն արցախցու խնդիր չէ, սա հայի խնդիր է։ Ամբողջ հայ ազգը պետք է ոտքի կանգնի, եւ ցույց տան, որ իրենք են տերը երկրի, այլ ոչ թե ոստիկանապետություն ստեղծած Նիկոլ Փաշինյանը որոշի, թե ով է ճիշտ, ով է սխալ։ Կա օրենք, եւ այդ օրենքը պետք է հավասար լինի բոլորի համար»,- ասաց Դավիթ Գալստյանը։
ՆԳ նախարարն արդեն զգուշացրել է․ “այդպես ավելի են թիրախավորվում մեր հայրենակիցները”
Հայաստանում տեղի ունեցող գործընթացների ֆոնին արցախյան գործոնի ակտիվացումը կարող է մանիպուլյատիվ և նույնիսկ սադրիչ նպատակ ունենալ։
Մարտի 30-ին Գյումրիում ընտրություններ են, և կենաց-մահու պայքարի մեջ նետվել են ամենատարբեր ուժեր։ Տեղեկատվական դաշտ թեզ է մտցվել, որ եթե Փաշինյանը կրվի Գյումրիում, ապա կկորցնի իշխանությունը, և արտահերթ ընտրություններ կլինեն։
Յուրաքանչյուր կողմ իրավիճակը փորձում է իր օգտին շրջել։ ՀՀ իշխանությունները Գյումրիում ամեն կերպ կփորձեն ապացուցել, որ իրադրության տեր են։ Մյուս կողմից Ռուսաստանն արդեն բաց դեմքով է հանդես գալիս Գյումրիում, նույնիսկ չթաքցնելով, որ մտադիր է «վերցնել» Հայաստանի երկրորդ քաղաքը։ Նույնիսկ ակնարկում են, որ Գյումրիի բնակչության մեծ մասը ռուսական անձնագրեր ունեն։
Պուտին-Թրամփ հեռախոսազրույցից հետո Մոսկվան ընդհանրապես ակտիվացել է Հայաստանում․ ԱՄՆ դեսպանատան մոտ ակցիա էր ամերիկյան «բիոլաբորատորիաների» դեմ, Գյումրիում՝ տիրոջ իրավունքով «փորձագիտական» ֆորումներ։ Այս ամենը այնպես է ներկայացվում, իբր Ռուսաստանը եկել է Հայաստանին փրկել թուրքամետ իշխանությունից, ինչպես դա եղել է ավելի քան 100 տարի առաջ։ Եվ կրկին Ալեքսանդրոպոլ-Գյումրի։
Այս ամենը տեղի է ունենում տարածաշրջանում լարվածության ֆոնին՝ Իրանի դեմ հնարավոր հարվածի, որից հետո թուրքական ուժերը կփորձեն մասնատել Իրանն ու Հայաստանը։
Հայաստանի իշխանությունը նյարդային փորձում է ինչ-որ փաստաթուղթ-երաշխիք ստանալ, Փաշինյանը նույնիսկ «ժամանակ է խնդրում» մինչև 2027 թ․՝ իբր սահմանադրական հանրաքվեյի համար։ Բայց բոլորը գիտեն, որ ամեն ինչ շատ անսպասելի և արագ կլինի։
Այս կեղտոտ պայքարի բոլոր կողմերին մի զանգված է պետք, որին կարելի է զոհաբերել և հետո մեղադրել ամեն ինչում։ Եւ նման դերի համար ամենա «սազականը» արցախցիներն են։
Վերջին օրերին արցախցիների թեման կրկին ակտիվացավ։ Նախ՝ հայտնի դարձավ արցախցիների կոնսոլիդացման և մարտի 29-ին մեծ հավաք անցկացնելու մասին, որի հիմքում կլինեն հիմնականում սոցիալական պահանջներ, նաև վերադարձի գաղափարը։
Բայց հետո հայտնի դարձավ արցախցի Տիգրան Ուլուբաբյանի՝ Վանաձորի ոստիկանությունում խոշտանգելու մասին, իսկ արդեն երեկ՝ արցախցի ադվոկատ Ռոման Երիցյանի հանդեպ հետապնդումների։ Երեկ Երիցյանը շեշտեց, որ իրեն հետապնդում են որպես արցախցու, և կոչ արեց արցախցիներին հավաքվել այսօր, չսպասելով մարտի 29-ին։
Արցախցիների հանդեպ կառավարության խիստ բացասական, արհամարական վերաբերմունքը ակնհայտ է, ինչպես և արցախցիների հավաքական իրավունքների պաշտպանության անհրաժեշտությունը։ Սակայն պետք է բացառել, որ արցախցիների ազնիվ և արդարացված պայքարը որոշ ուժեր որպես սադրանքի նյութ օգտագործեն։
ՆԳ նախարարն արդեն զգուշացրել է, որ դա կարող է տեղի ունենա։
«Լեռնային Ղարաբաղյից բռնի տեղահանված մեր հայրենակիցներն առանց այդ էլ իրադարձությունների բերումով տուժել են եւ գտնվում են խոցելի իրավիճակում, տեղահանվել են, ունեն բազմաթիվ կարիքներ, եւ անընդհատ փորձել էմոցիոնալ դաշտ ստեղծել նրանց համար, դա որեւէ մեկի համար օգուտ բերող պրոցես չի կարող լինել։ Հակառակը, այդպես ավելի են թիրախավորվում մեր հայրենակիցները»,- ասել է Ներքին գործերի նախարար Արփինե Սարգսյանը։
Ի՞նչ է նշանակում՝ «ավելի են թիրախավորվում»։ Արդյո՞ք ինչ-որ «թիրախավորման» միջոցառումներ են նախապատրաստվում։ Եւ որքանո՞վ է դա կապված արցախցիների իրավունքների պաշտպանության և Հայաստանի ներքին լարված իրավիճակի հետ։