Բաքվի արտգործնախարար Ջեյհուն Բայրամովի հետ զրույցում ես կրկնել եմ իմ մտահոգությունը ղարաբաղցի հայերի առջև ծառացած հումանիտար իրավիճակի վերաբերյալ։ Այս մասին X սոցիալական ցանցի իր միկրոբլոգում գրել է ԵՄ դիվանագիտության ղեկավար Ժոզեպ Բորելը։
«Լաչինի միջանցքը պետք է վերաբացվի։ Այլ ճանապարհներ, օրինակ՝ Աղդամը, կարող են բացվել որպես լուծման մաս, բայց ոչ որպես այլընտրանք»,- նշել է նա։
Ասկերանի բնակիչ Հերմինե Խաչատրյանի կոչով արդեն մի քանի շաբաթ Ասկերան-Ակնա ճանապարհին կանգնած մեր հայրենակիցները ասում են, որ ոչ մի կեղծ “հումանիտար” բեռ Ակնայից բաց չեն թողնի։
Բլոգեր Գեւորգ Առուստամյանը Step1.am-ին ներկայացրել է
իր եւ բազմաթիվ քաղաքացիների պահանջները։
Ռուսաստանի Դաշնության կառավարությունը հանդես է եկել Արցախի Հանրապետությանը հումանիտար օգնություն տրամադրելու նախաձեռնությամբ՝ հաշվի առնելով մեր հանրապետությունում ստեղծված հումանիտար ճգնաժամը:
Այսօր առավոտյան թափում էի աղբը։ Աղբամաններից քիչ հեռու նստած էին թափառող կատուներ ու շուն։ Նրանք ուշադիր հետևում էին աղբի տոպրակին։ Չզգալով պարկից ուտելիքի հոտը՝ երեքն էլ կորցրեցին իմ հանդեպ հետաքրքրությունը։
Նայում եմ նրանց ու մտածում. «Միասին շունն ու կատուն, ըստ երևույթին, սննդի որոնումը միավորեց նրանց»։
Վերջին շրջանում Ստեփանակերտում շատացել են անօթևան, թափառող շները։ Դրանց մեծ մասը հսկայական ու հազվագյուտ ցեղատեսակներ են, իսկ ամենակարևորը՝ օձիքներով։
Կիսվեցի մտահոգություններովս։ Զրուցակիցս վստահեցրեց, որ շներին տերերը լքում են մի քանի պատճառով։ Նրանք, ում խաղաղապահները տանում են Հայաստան, իրենց շներին թողնում են բախտի ողորմածությանը։ Բացի այդ, սննդի պակասի պատճառով տերերը դուրս են հանում իրենց ընտանի կենդանիներին։
Հիմա Ստեփանակերտում շատ են անխնամ շները. Ոհմակներով: Սոված։ Շուտով նրանք էլ ավելի քաղցած կլինեն, և հնարավոր է, սկսեն որս անել։
Սակայն Ստեփանակերտի իշխանություններն անտեսում են խնդիրը։ Ըստ ամենայնի, ոչ ոք մարդասիրական առաջարկներ չունի այս խնդիրը լուծելու համար։
Ա.Գրիգորյան
Անմիջապես այն բանից հետո, երբ խորհրդարանում հայտնի դարձան Արցախի նախագահական ընտրությունների արդյունքները, և Սամվել Շահրամանյանը հռչակվեց նախագահ, տեղեկություններ հայտնվեցին, որ ռուսական Կարմիր Խաչը որոշել է Ակնայի ճանապարհով «մարդասիրական օգնություն» ուղարկել Արցախ։
Ինչպես հաղորդվում ` այս 1 հատ մեքենային պետք է հաջորդեն Բաքվի Կարմիր մահիկի «մարդասիրական բեռնատարները»՝ 2 հատ։ Ընդհանուր ` երեք հատ:
Արցախի կառավարության մեր աղբյուրները հաստատել են, որ պայմանավորվածություն կա ռուսական մեքենան բաց թողնելու մասին, բայց ոչ Բաքվին։
Ամեն ինչ այնպես է կառուցված, որ Արցախի նոր իշխանությունն առաջին իսկ րոպեից ասոցացվի «Աղդամի ճանապարհի» հետ։ Դա երևում է նաև Հայաստանում Փաշինյանի կողմնակիցների կատաղի արձագանքներից, ովքեր այժմ միայն մեկ խնդիր ունեն՝ ինչպես սևացնել Արցախի ղեկավարությանը։ Ի դեպ, պաշտոնական Երևանը դեռ չի արձագանքել Արցախի ընտրություններին։
Մինչդեռ Սամվել Շահրամանյանը ճանապարհների բացման վերաբերյալ հայտարարություն արեց՝ հիշեցնելով, որ Արցախից Հայաստան տանող այլ ճանապարհ կա՝ Քարվաճառով։
«Ինչ վերաբերում է Ադրբեջանի կողմից տրամադրվող մարդասիրական օգնությանը, ապա առավել քան ակնհայտ է, որ եթե Լաչինի միջանցքը ապաշրջափակվի, ապա Արցախին մարդասիրական օգնություն ցուցաբերելու կարիք ընդհանրապես չի լինի։ Արցախն իր հերթին մշտապես հանդես է եկել Ստեփանակերտ-Ակնա, Ստեփանակերտ-Հադրութ, Ստեփանակերտ-Սոթք ճանապարհների և տարածաշրջանի բոլոր ճանապարհների լիարժեք շահագործման օգտին։ Այլ հարց է, թե ինչպես ապահովել այս ճանապարհներով երթևեկողների անվտանգությունը»,- ասել է Արցախի նախագահ Սամվել Շահրամանյանը։
Եվրամիությունը հայտարարել է, որ չի ճանաչում իրավական շրջանակը, որում անցկացվել են Արցախի նախագահի ընտրությունները, սակայն Լեռնային Ղարաբաղի հայերը պետք է համախմբվեն ղեկավարության շուրջ, որը պատրաստակամ է բանակցել Ադրբեջանի հետ:
«Արմենպրես»-ի փոխանցմամբ՝ այս մասին հայտարարություն է տարածել Եվրոպական արտաքին գործողությունների ծառայությունը:
Միևնույն ժամանակ ԵՄ-ն կարծում է, որ Ղարաբաղի հայերի համար կարևոր է համախմբվել դե ֆակտո ղեկավարության շուրջ, որը կարող է և ցանկանում է ներգրավվել Բաքվի հետ արդյունքների վրա հիմնված քննարկումներում», ասված է հայտարարությունում: ԵՄ-ից հայտնում են, որ հանձնառու են աջակցել այս գործընթացին:
Այսօր Արցախի Հանրապետության Ազգային ժողովում Հանրապետության հինգերորդ նախագահ է ընտրվել Սամվել Շահրամանյանը, ինչի կապակցությամբ իմ և իմ ղեկավարած «Միասնական հայրենիք» կուսակցության անունից շնորհավորում եմ և մաղթում, որ անշեղ հավատարմությամբ իրականացնեք Ձեզ առաջադրած քաղաքական ուժերի նախանշած «կարմիր գծերի» քաղաքականությունը:
Անհրաժեշտ եմ համարում տեղեկացնել, որ երեկ ուշ երեկոյան Հանրապետության նախագահի պաշտոնակատարի և քաղաքական ուժերի մասնակցությամբ հրավիրվել է խորհրդակցություն, որի ընթացքում ինձ խնդրել են ձեռնպահ մնալ քաղաքական ակցիայից, քանի որ, ինչպես ինձ փոխանցեցին, Բաքվից կապ են հաստատել իրենց հետ և սպառնացել, որ նախագահի ընտրության անցկացման դեպքում կդիմեն ուժի:
Լիովին վստահ չլինելով, որ ինձ փոխանցվում է ամբողջական տեղեկատվություն, կայացրել եմ ակցիա չանցկացնելու որոշում, որպեսզի հնարավոր անցանկալի զարգացումները չվերագրվեն «Միասնական հայրենիք» կուսակցության «արկածախնդրությանը»։
Համակողմանիորեն գնահատելով ներքին և արտաքին քաղաքական միջավայրը՝ հայտարարում եմ, որ Արցախի ճակատագիրի ողջ ծանրությունը հետայսու կրում են օտարերկրա ազդեցությամբ և շահով առաջնորդվող քսաներկու պատգամավորները, նրանց կողմից առաջադրված և ընտրված նախագահն ու այս գործընթացի կնքահայրերը։
Հայրենակիցնե´ր,
«Միասնական հայրենիք» կուսակցությունը, որպես քաղաքական հակակշիռ, իմ ղեկավարությամբ շարունակելու է իրացնել իր ներկայացուցչական մանդատը։ Իսկ դեմքերի և դեպքերի օբյեկտիվ գնահատականը ժամանակն է տալու։
Սեպտեմբերի 9-ին հրավիրվել է Արցախի ԱԺ հատուկ նիստ, որտեղ Արցախի Հանրապետության նախագահ է ընտրվել Սամվել Շահրամանյանը:
Սամվել Շահրամանյանը կարևորել է նախագահի ինստիտուտը առկա մարտահրավերներին դիմագրավելու տեսանկյունից ու երկրի ղեկավարի հատկանիշներից ընդգծել է իրականության սթափ գնահատումն ու պատրանքներից զերծ մնալը:
Ծրագրային դրույթներից թեկնածուն առանձնացրել է պետականության ամրապնդումը, ներքին կայունության հաստատումը, Արցախի ինքնորոշման իրավունքի իրացումը, ժողովրդի սոցիալ-տնտեսական վիճակի բարելավումը, օրինականության ու կարգ ու կանոնի հաստատումը: Սամվել Շահրամանյանն անդրադարձել է տարածաշրջանային մարտահրավերներին, Ադրբեջանի վարած քաղաքականությանը, Արցախ-Հայաստան հարաբերություններին:
«Լեռնային Ղարաբաղը պիտի կարգավիճակ ստանա, Հայաստանի հետ ուղիղ կապ պետք է ունենանք Լաչինի միջանցքով, այլ ճանապարհներ կարող են գործարկվել, սակայն դրանք չպետք է փոխարինեն միջանցքին:
Բանակցություններ պետք է լինեն, ձևաչափը կարող է լինել ինչպես բազմակողմ, այնպես էլ երկկողմ՝ երրորդ կողմի երաշխավորությամբ, Ստեփանակերտը պետք է լինի բանակցությունների սուբյեկտ», -ասել է նա:
Շահրամանյանը խոսել է պետականության հիմքերը խարխլող քայլերի դեմ անհաշտ պայքար մղելու, Արցախը հայկական պահելու գործում բոլոր ուժերը կոնսոլիդացնելու անհրաժեշտության մասին:
Սամվել Շահրամանյանը բոլորին շնորհակալություն է հայտնել և վստահության մթնոլորտում փոխգործակցելու պատրաստակամություն հայտնել:
Telegram-ի ալիքները հայտնում են, որ Ռուսաստանը որոշել է Ակնայով «մարդասիրական բեռ» ուղարկել Արցախ։
Պատահական չէ, որ այս տեղեկությունը հրապարակվել է Արցախի նախագահական ընտրություններից անմիջապես հետո։ Բացի այդ, այսօր Նիկոլ Փաշինյանը հեռախոսազրույց է ունեցել Ֆրանսիայի, Գերմանիայի, Իրանի ղեկավարների, ԱՄՆ պետքարտուղարի հետ և զգուշացրել էսկալացիայի սպառնալիքի մասին։ Փաշինյանի բանակցությունների մասին ՌԴ նախագահի հետ չի հաղորդվում.
Հատկանշական է, որ Ֆրանսիայի նախագահ Մակրոնն ասել է, որ արցախյան հակամարտությունը պետք է լուծվի միջազգային իրավունքի հիման վրա։
Ըստ ամենայնի, Մոսկվան որոշել է «ձիով քայլ» անել և Արցախի հարցը «լուծել» յուրովի՝ ինտեգրվելով Ադրբեջանին։
Բոլորը հասկանում են, թե ինչ է նշանակելու Ակնայից ճանապարհի բացումը։