Արցախի խորհրդարանում 6 ժամ գիշերային նիստից հետո Արայիկ Հարությունյանն առավոտյան մոտ դուրս է եկել ժողովրդի մոտ և, ընդհանուր առմամբ, կոնկրետ ոչինչ չի ասել։

Նա ասաց, որ այսօր լավ լուր կհայտարարի Բերձորի միջանցքի ապօրինի անցակետից երեկ առևանգված տղաների ճակատագրի մասին։

Ըստ ականատեսների՝ նա սկսել է խոսել հացի մասին, սակայն ներկաները վանկարկել են, որ սա ստամոքսը լցնելու պայքար չէ։

Նա նաև ասաց, որ քննարկվում է միայն մեկ ճանապարհի՝ Լաչինի միջանցքի բացումը։

Պարզվեց, որ մի քանի օր առաջ նա ուզում էր հրաժարական տալ, հիմա էլ պատրաստ է դա անել։ Սակայն ճանապարհի բացման և այլ հարցերի մասին կոնկրետ ոչինչ չասաց։

«Մենք մենակ ենք։ Մենք ընկերներ և աջակցություն չունենք։ Բոլոր հարցերը ձեր հետ միասին կլուծենք», -ասաց Հարությունյանը։

Ժողովուրդը վանկարկում էր.« կարո՞ղ եք հեռանալ։ Ձեզ հետ շարունակելն անհնար է: Մենք կպայքարենք առանց ձեզ»։

Արայիկ Հարությունյանը նաև ասաց, որ Լաչինով ճանապարհը կբացեն և հեռանալ ցանկացողներին միջանցք կտան։ Նա մեղադրեց բոլորին, բացի ռուսներից։

Իսկ պատգամավորներից մեկն ասաց, որ մեզ ոչ ոք միջազգային խաղաղապահներ չի տա։

Ադրբեջանի իշխանությունները Լեռնային Ղարաբաղից առևանգված երեք ուսանողներին «վարչական պատժի» են դատապարտել։

Ինչպես հաղորդում է АПА-ն՝ վկայակոչելով գլխավոր դատախազությանը, «հարուցվել է քրեական գործ՝ Ադրբեջանի Հանրապետության պետական ​​դրոշի նկատմամբ վիրավորական գործողություններ կատարելու փաստի առթիվ»։

Այսօր առևանգված Ալեն Սարգսյանի, Վահե Հովսեփյանի և Լևոն Գրիգորյանի նկատմամբ «միջազգային հետախուզում է հայտարարվել և նրանց նկատմամբ դատարանի որոշմամբ խափանման միջոց է ընտրվել կալանավորումը»։

«Հաշվի առնելով մեղադրյալների տարիքը և անկեղծ խոստովանությամբ նրանց անկեղծ զղջումը, քրեադատավարական օրենսդրության պահանջների պահպանմամբ, հումանիզմի սկզբունքի կիրառմամբ՝ նրանց նկատմամբ քրեական հետապնդումը դադարեցվել է»,- մեջբերում է լրատվամիջոցը։ Դատարանի որոշմամբ նրանց նկատմամբ կիրառվել է վարչական կալանք՝ 10 օր ժամկետով։ Դատարանի վճռի կատարումից հետո կապահովվի այդ անձանց վտարումն Ադրբեջանի Հանրապետության տարածքից»։

Այսօր՝ Հաքարի կամրջի վրա արցախցի երեք երիտասարդների առևանգումից հետո, Ստեփանակերտի Վերածննդի հրապարակում բազմամարդ հանրահավաք է տեղի ունեցել․ նախագահ Արայիկ Հարությունյանը դուրս է եկել մասնակիցների մոտ և խոստացել ընդլայնված կազմով խորհրդակցություն անցկացնել, որին կորոշվեն հետագա քայլերը։

«Կարելի է ասել, որ դա վերջին կաթիլն էր: Թեեւ բավականին բարդ իրավիճակում ենք հայտնվել երկար ժամանակ, գնալով իրավիճակը վատանում է, բայց հստակ ծրագրեր չկան։ Ինչ ենք անելու, ինչ է մեզ սպասում, այս մասին կառավարությունից ոչ մի խոսք չենք լսում։ Հիմա գերխնդիրըէ մեր հայրենակիցներին վերադարձնելն է, բայց դա չի նշանակում, որ հանրահավաքի հարցերը սրանով սահմանափակվում են։ Մենք սովի շեմին ենք, բայց իշխանության քայլերը չենք տեսնում։ Նրանց գործողություններն ավելի շատ նման են իշխանությունը յուրացնելու, իշխանությանը հասնելու փորձերին։ Պահանջում ենք, որ քաղաքական ուժերը ներկայացնեն իրենց ծրագրերը, որպեսզի հասարակությունն ընտրի մեր հայրենիքում արժանապատիվ և ապահով կյանքի ճանապարհը»,- ասաց հանրահավաքի կազմակերպիչ, Հեղափոխական կուսակցության նախագահ Արթուր Օսիպյանը։

«Մեր պահանջով այսօր ժամը 9-ին տեղի կունենա բաց նիստ՝ տարբեր կուսակցությունների եւ ուժերի մասնակցությամբ։ Հոգեբանական ճնշումը կարող է հանգեցնել նրան, որ ինչ-որ պահի մենք չենք կարողանա պայքարել։ Ուստի այսօր մենք պետք է համախմբվենք և պայքարենք մեր հողի վրա ապրելու իրավունքի համար։ Ուրիշ նպատակ չկա։ Եթե ​​գործոն դառնանք, ուրեմն մեծ շանսեր կունենանք։ Մենք առաջարկում ենք խնդրի քաղաքական լուծում, եթե ոչ, ապա զինված պայքար։ Այլ ճանապարհ չկա»,- ասաց Արթուր Օսիպյանը։

Օգոստոսի 28-ին ռուսական խաղաղապահ զորակազմի ուղեկցությամբ իրականացվել է Արցախից Հայաստան քաղաքացիական անձանց հերթական տեղափոխումը։ Ըստ նախնական տեղեկությունների՝ խաղաղապահ զորակազմի ուղեկցությամբ իրականացվել է 170 անձանց տեղափոխություն։ Այս մասին facerbook-ի իր էջում գրել է Արցախի Հանրապետության Մարդու իրավունքների պաշտպան Գեղամ Ստեփանյանը:

Նա նաեւ նշել է. «Ժամը 13:00-ի սահմաններում դեպի Հայաստան տեղափոխվող անձինք հասել են Լաչինի միջանցքում՝ Հակարի կամրջի մոտ, տեղակայված ադրբեջանական անօրինական անցակետ։

Մարդու իրավունքների պաշտպանի աշխատակազմի կողմից ձեռք բերված տեղեկատվության համաձայն՝ 2001 թվականի ծնված Ալեն Նելսոնի Սարգսյանն ադրբեջանական սահմանապահ և այլ ծառայությունների ներկայացուցիչների կողմից ուժի և հարկադրանքի կիրառմամբ առևանգվել և տարվել է անհայտ ուղղությամբ։

Բացի դրանից, Արցախից ՀՀ տեղափոխվող անձանցից ևս հինգ հոգու Ադրբեջանի սահմանապահ և այլ ծառայությունների ներկայացուցիչները տարել են անցակետի մոտ տեղադրված հատուկ սենյակ՝ հարցաքննելու։ Հարցաքննության ընթացքում տվել են տարաբնույթ հարցեր՝ սպորտով զբաղվածությունը, ՀՀ գնալու նպատակը, Հայաստանում և Արցախում տնտեսական իրավիճակը և այլն։

Ձեռք բերված տեղեկությունների համաձայն՝ նախօրոք համաձայնեցված ցուցակներում առկա անձանցից ևս երկու հոգի՝ Վահե Հովսեփյանը և Լևոն Գրիգորյանը չեն հատել անօրինական անցակետը, սակայն չի հաջողվում նրանց հետ կապ հաստատել։

Երեք քաղաքացիներն էլ Հայաստանի Հանրապետության ուսումնական հաստատությունների ուսանողներ են։

Բազմիցս նշել ենք, որ Հակարի կամրջի մոտ տեղակայված անօրինական անցակետը ուղիղ և անհերքելի սպառնալիք է Արցախի քաղաքացիական բնակչության ֆիզիկական գոյության և հիմնարար իրավունքների պաշտպանության համար։

Վագիֆ Խաչատրյանի, Ալեն Սարգսյանի առևանգումն անառարկելիորեն ապացուցում են, որ այսպես կոչված անցակետը վեր է ածվել ադրբեջանական հանցավոր կամայականությունները սպասարկելու գործիքի, որով ադրբեջանցիների կողմից կամայական կերպով առևանգվում և ազատությունից զրկվում են քաղաքացիական անձինք։ Շրջափակման մեջ է պահվում 120 000 բնակչություն՝ զրկված հումանիտար հասանելիությունից և մարդու տարրական իրավունքների պաշտպանության հնարավորությունից։

Թե՛ Կարմիր խաչի միջազգային կոմիտեի և թե՛ ռուս խաղաղապահների միջազգային իրավական ու քաղաքական երաշխիքները փաստացի բավարար չեն Արցախի բնակչության իրավունքների պաշտպանության, այդ թվում ազատ ու անվտանգ տեղաշարժն ապահովելու համար:

Հաշվի առնելով այդ երկու դերակատարների ստանձնած պարտավորությունները՝ Մարդու իրավունքների պաշտպանը պահանջում է նրանցից բոլոր հնարավոր միջոցները ձեռնարկել ապահովելու Արցախի բնակչության հումանիտար տեղաշարժի անվտանգությունը և առևանգված անձանց անհապաղ վերադարձը։ Առանց նման երաշխիքների առկայության, պետք է դադարեցնել քաղաքացիական անձանց փոխադրումները։

ՄԻՊ աշխատակազմի կողմից շարունակվում է փաստերի հավաքագրումը դեպքի առնչությամբ, որի մասին հանդես կգանք հավելյալ հայտարարությամբ, հավաքագրված փաստերը կամփոփվեն և կներկայացվեն մարդու իրավունքների պաշտպանության մանդատ ունեցող միջազգային կազմակերպություններին և միջազգային այլ դերակատարներին»։

Ստեփանակերտի Վերածննդի հրապարակում տեղի է ունենում ինքնաբուխ հանրահավաք։

Նախագահ Արայիկ Հարությունյանը դուրս եկավ ցուցարարների մոտ և ասաց, որ վաղը ընդլայնված կազմով խորհրդակցություն կանցկացնի, որտեղ կորոշվի Արցախի ճակատագիրը:

Հանրահավաքի մասնակիցները պահանջում էին այսօր և առցանց հանդիպում անցկացնել, հասարակությունից ոչինչ չթաքցնել և ասել, թե ինչ է անում իշխանությունը ժողովրդի իրավունքներն ու անվտանգությունը պաշտպանելու համար։

Հեղափոխական կուսակցության նախագահ Արթուր Օսիպյանը հայտարարեց, որ երկու ճանապարհ կա՝ կա՛մ քաղաքական խաղաղ պայքար, կա՛մ զինված պայքար։ Երկրի ղեկավարությունը կա՛մ պետք է միանա մեզ, կա՛մ խոստովանի, որ իրենք վախկոտ են և ոչ մի բանի համար պիտանի չեն, – ասաց նա։