Արցախցիները կկռվե՞ն Տավուշի համար

Ազատության հրապարակում երեկ անցկացվեց Արցախի ժողովրդի կարիքների ապահովման նախաձեռնության հանրահավաքը։

Արցախի մարդու իրավունքների պաշտպան Գեղամ Ստեփանյանը լրագրողների հետ զրույցում ասաց, որ միջազգային հանրությունը համապատասխան լրջությամբ չի վերաբերվել Արցախի ժողովրդի պահանջներին եւ ցեղասպանության ու էթնիկ զտման մասին ահազանգերին։

Գեղամ Ստեփանյանն ասաց, որ բռնի տեղահանված արցախցիների խնդիրները վերաբերում են ինչպես սոցիալական ոլորտին, այնպես էլ իրավունքների ավելի լայն շրջանակին, որոնցից է նաեւ վերադարձի իրավունքը, որը պետք է նաեւ Հայաստանի Հանրապետության կողմից քննարկման առարկա լինի։

Հարցին, թե արցախցիները կկռվե՞ն Տավուշի համար, Ստեփանյանը պատասխանեց․ «Կարծում եմ՝ այո»։